Ahilyanagar News: अहिल्यानगर जिल्ह्यातील पाथर्डी, श्रीगोंदा, कर्जत, पारनेर तालुक्यांतील अनेक भागांना सोमवारी (ता. १५) सकाळपर्यंत जोरदार मुसळधार पावसाने झोडपले. जोरदार पावसामुळे नद्यांना पूर आला असून नदीकाठच्या शेतात, घरांत पाणी शिरल्याने घरांचे, पिकांचे नुकसान सुरूच आहे. .चोवीस तासांत १८ महसूल मंडलांत अतिवृष्टी झाली. प्रशासनाने आणखी पावसाचा इशारा दिला असून नागरिकांनी सावध राहण्याचे अवाहन केले आहे. हवामान खात्याने अहिल्यानगर जिल्ह्यामध्ये आणखी तीन दिवस विजांचा कडकडाट, जोरदार वारे व मुसळधार पावसाची शक्यता वर्तविली आहे..Heavy Rain Ahilyanagar : तीन दिवसांपासून अहिल्यानगरला जोरदार पाऊस.या पार्श्वभूमीवर जिल्हा प्रशासनाने जिल्ह्यासाठी ‘येलो अलर्ट’ जारी करून नागरिकांना दक्षतेचा इशारा दिला आहे. पाथर्डी तालुक्यातील मानेवाडी भागातील पाझर तलावाला जोरदार पावसाने भगदाड पडले..करंजी परिसरातील डोंगरपट्ट्यात जोरदार पाऊस झाल्याने तिसगावच्या नदीला पूर आला. या पुराचे पाणी अनेक घरांत शिरले. पावसामुळे शेतात पाणी वाढत आहे. त्याचा फटका कापूस, बाजरी, सोयाबीनला अधिक बसणार आहे..Heavy Rainfall Beed : बीड जिल्ह्यात पावसाचा फटका; कापूस, सोयाबीन, तूर पिकं पाण्याखाली.सीना नदीला पूरपुणे, नाशिक व अहिल्यानगर जिल्ह्यातील पावसाचा जोर वाढल्याने धरणांमधून पाण्याचा विसर्ग वाढविला आहे. भीमा नदीवर दौंड पूल येथे ७,६२७ क्युसेक, गोदावरी नदीवरील नांदूर मध्यमेश्वर धरणातून १,६१४ क्युसेक, मुळा धरणातून ५०० क्युसेक, निळवंडेतून १०३२ क्युसेकने विसर्ग सुरू होता..अहिल्यानगर, पारनेर तालुक्यात झालेल्या पावसामुळे सीना नदीला मात्र पूर आला. सीना धरणाच्या सांडव्यावरून १५०० क्युसेकने विसर्ग सुरू होता. याशिवाय कर्जत, पाथर्डी, श्रीगोंदा भागांतील स्थानिक नद्यांना पूर आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
