Summer Heat: एप्रिल महिन्यातील वाढत्या उष्णतेमुळे जिल्ह्यातील शेतीकामांवर मोठा परिणाम होत आहे. परिणामी शेतकरी सध्या अडचणीत सापडले आहेत. महिन्याच्या सुरुवातीला काहीसा दिलासा मिळाल्यानंतर दुसऱ्या आठवड्यापासून तापमानाने ४० अंशांचा टप्पा ओलांडल्याने दैनंदिन शेतीकामे ठप्प झाली आहेत. जिल्ह्यात सध्या हळद व ज्वारी काढणीची कामे सुरू असताना दुपारच्या तीव्र उन्हामुळे मजूर शेतात टिकत नसल्याची परिस्थिती आहे. .नांदेड जिल्ह्यात १ ते ७ एप्रिल दरम्यान कमाल तापमान साधारण ३१ ते ३५ अंशांच्या दरम्यान राहिले. काही ठिकाणी झालेल्या हलक्या पावसामुळे उकाड्यात घट झाली होती. मात्र ८ एप्रिलनंतर तापमानात सातत्याने वाढ होऊ लागली. १२ एप्रिलपासून उष्णतेची लाट अधिक तीव्र झाली. १३ ते १६ एप्रिल दरम्यान कमाल तापमान ४० ते ४२ अंशांच्या दरम्यान नोंदले गेले. त्यामुळे दुपारच्या वेळी उष्णतेचा तीव्र त्रास नागरिकांना जाणवत आहे. .Heatwave Impact: उष्माघाताच्या रुग्णांत वाढ.हवामान तज्ञांच्या मते, पुढील काही दिवस नांदेड जिल्ह्यात उष्णतेची तीव्रता कायम राहण्याची शक्यता असून तापमान ४० अंशांच्या आसपास राहू शकते. त्यामुळे नागरिकांनी दुपारी बाहेर पडताना काळजी घेणे, पाणी अधिक प्रमाणात पिणे व आवश्यक ती खबरदारी घेण्याचे आवाहन करण्यात येत आहे. शेतकर्यांना सकाळी लवकर व संध्याकाळीच कामे मर्यादित प्रमाणात सुरू ठेवावी लागत आहेत. त्यामुळे काढणीची गती मंदावली आहे..Heatwave Impact: उष्णतेच्या दाहला योजनेचा मुलामा.परिणामी उत्पादनाच्या गुणवत्तेवरही परिणाम होण्याची भीती व्यक्त केली जात आहे. याशिवाय खरीप हंगामाच्या पार्श्वभूमीवर पेरणीपूर्व मशागतीची कामे सुरू होणे अपेक्षित असताना, वाढत्या तापमानामुळे ही कामेही ठप्प झाली आहेत. ट्रॅक्टरद्वारे मशागत करताना उष्णतेमुळे इंधनाचा खर्च वाढत असल्याने तसेच मजुरांची कमतरता भासत असल्याने शेतकरी कामे पुढे ढकलत आहेत..हवामान विभागाच्या अंदाजानुसार पुढील काही दिवस उष्णतेची तीव्रता कायम राहण्याची शक्यता असून शेतकऱ्यांनी सकाळी लवकर व संध्याकाळी कामे करण्याचा सल्ला देण्यात येत आहे..तापमान वाढीमुळे झालेला परिणामतापमान ४० ते ४२ अंशांदरम्यान.हळद व ज्वारी काढणी मंदावली.मजुरांची कमतरता वाढली.पेरणीपूर्व मशागतीची कामे ठप्प.पुढील काही दिवस उष्णतेचा कडाका कायम राहण्याची शक्यता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
