Amravati News: अमरावती बाजार समितीच्या विभाजनासह प्रशासकाच्या कारभाराला मुंबई उच्च न्यायालयाच्या नागपूर खंडपीठाने स्थगिती दिली आहे. या प्रकरणी दाखल दोन याचिकांवर बुधवारी (ता. २८) एकत्रित सुनावणी होणार आहे. तोपर्यंत बाजार समितीशी संबंधित कोणतेही कामकाज करू नये, तसेच कपाट सील करणे वा प्रशासनाचा ताबा घेऊ नये, असे स्पष्ट निर्देश न्यायालयाने दिले आहेत..राज्य शासनाने अमरावती एपीएमसीचे विभाजन करून अमरावती व भातकुली अशा दोन स्वतंत्र बाजार समित्या स्थापन करण्याचा तसेच अमरावती एपीएमसीवर प्रशासक नेमण्याचा निर्णय घेतला होता. याविरोधात बाजार समितीचे सभापती हरीश मोरे व इतर संचालकांनी मुंबई उच्च न्यायालयाच्या नागपूर खंडपीठात रिट याचिका दाखल केली आहे..Amravati APMC : अमरावती कृषी उत्पन्न बाजार समितीचे विभाजन होणार.या याचिकेवर सुनावणी घेताना न्यायमूर्ती एम. एस. जवळकर व न्यायमूर्ती नंदेश एस. देशपांडे यांच्या खंडपीठाने शासनाच्या अधिसूचनेवर तात्पुरती स्थगिती दिली. यापूर्वी जिल्हा उपनिबंधक, सहकारी संस्था, अमरावती यांनी २२ जानेवारी रोजी एपीएमसी विभाजन व प्रशासक नियुक्तीची अधिसूचना काढली होती..Umarakhed APMC: ढाणकी उपबाजार समितीतील गाळ्यांच्या लिलावाचा फज्जा. मात्र, न्यायालयात याचिका प्रलंबित असताना कोणताही अंतिम आदेश पारित करू नये, असे स्पष्ट निर्देश न्यायालयाने दिले होते. शासनातर्फे कामकाजातील अनियमिततेची चौकशी सुरू असल्याचे सांगण्यात आले. मात्र, सध्याच्या स्थितीत प्रशासकांना कोणतेही अधिकार वापरण्यास मनाई करण्यात येत असल्याचे न्यायालयाने स्पष्ट केले. दरम्यान, या प्रकरणी बुधवारी प्रलंबित दोन याचिकांवर एकत्रित सुनावणी ठेवण्यात आली आहे..तोपर्यंत ‘जैसे थे’ स्थिती कायम राहणार आहे. याबाबत सभापती हरीश मोरे यांनी सांगितले की, सत्याचा विजय झाला आहे. सत्तेचा गैरवापर करून बाजार समितीचे चुकीच्या पद्धतीने विभाजन व प्रशासकाची नियुक्ती करण्यात आली होती. याबाबत आम्हाला न्यायालयाने दिलासा दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
