जळगाव ः खानदेशात या आठवड्यात मोठ्या काबुली किंवा डॉलर हरभऱ्याची आवक पुढील पंधरवड्यात सुरू होणार आहे. यंदा पेरणी स्थिर होती, तसेच नैसर्गिक समस्यांनी पीक हवे तसे नव्हते. पीक मळणीवर येत आहे. .काही भागात मळणी पुढील आठवड्याच्या अखेरीस सुरू होईल. मोठ्या काबुली हरभऱ्यास खानदेशात डॉलरदेखील म्हटले जाते. त्याचा आकार मोठा व रंग बासुंदी रंगांचा आहे. मोठ्या काबुलीची मागील काही खानदेशातील प्रमुख बाजार समित्यांत आवक झालेली नाही..Kabuli Chane Threshing : काबुली हरभऱ्याची मळणी पूर्ण.चोपडा आणि शिरपूर प्रसिद्धमागील हंगामातही खानदेशात चोपडा व शिरपूर येथेच मोठ्या काबुलीची आवक अधिक झाली होती. कारण चोपडा व शिरपूर भागात त्याची पेरणी अधिक केली जाते. चोपड्यातील तापी व अनेर काठ मोठ्या काबुलीसाठी प्रसिद्ध आहे. त्यात अजंतीसीम, वढोदा, विटनेर, वाळकी, मोहिदे, दगडी, गणपूर, माचले, गोरगावले, कुरवेल, सनपुले, गरताड, घुमावल, खडगाव, शिरपुरातील भावेर, तरडी, होळनांथे, जापोरा, घोडीसगाव, अर्थे, कुवे, निमझरी आदी भागांत त्याची पेरणी केली जाते. जळगाव जिल्ह्यात जळगाव यावल, रावेर व जामनेरातही मोठ्या काबुलीची पेरणी केली जाते. अनेक शेतकऱ्यांनी कांदेबाग केळीची काढणी ९० ते ९५ टक्के पूर्ण झाल्यानंतर त्यात मोठ्या काबुलीची डिसेंबरमध्ये टोकण पद्धतीने लागवड केली होती. कमाल शेतकरी आपल्या घरातील मोठ्या काबुलीवर बीज प्रकिया करून त्याची लागवड करतात..Chana Threshing : खानदेशात हरभरा मळणी पूर्णत्वाकडे.दर होता १३ हजारांपर्यंतमोठ्या काबुलीस खानदेशात मागील हंगामात कमाल १३ हजार रुपये प्रति क्विंटलपर्यंत दर सुरुवातीला मिळाला होता. चोपडा बाजार समितीत सर्वप्रथम काबुलीची आवक सुरू होईल. त्यासाठी काही दिवस प्रतीक्षा करावी लागेल, असे जाणकारांचे म्हणणे आहे..मागील हंगामातही फेब्रुवारीच्या मध्यात आवकमागील हंगामातही फेब्रुवारीच्या मध्यात मोठ्या काबुलीची आवक बाजारात सुरू झाली होती. त्या कालावधीत सर्वाधिक ९० ते १०० क्विंटल आवक चोपडा बाजार समितीत झाली होती. यासह धुळ्यातील शिरपूर, व अमळनेर (जि. जळगाव) येथेही काबुली हरभऱ्याची आवक सुरू झाली होती. अन्य बाजार समित्यांत अपवादानेच मोठ्या काबुलीची आवक होत असते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
