Dharashiv News: यंदा सर्वच साखर कारखान्यांकडून मोठ्या प्रमाणात उसाचे गाळप होत असले, तरी अनेक कारखान्यांच्या तोडणीचे वेळापत्रक (प्रोग्रॅम) अडीच महिन्यापेक्षा जास्त दिवसांनी उशिराने सुरु आहे. मजुरांकडून तोडणी करणाऱ्या शेतकऱ्यांनी त्यांच्या बैलगाडी येण्याची आशा सोडून आता मिळेल त्या कारखान्याच्या हार्वेस्टरकडून तोडणी सुरू केली आहे. .याचा फायदा हार्वेस्टरचे मालक घेत असून दक्षिणाच्या नावाखाली एकरी सहा हजार रुपयाची मागणी करत आहेत. दक्षिणा न देणाऱ्या शेतकऱ्यांची तोडणी उशिराने व जाणीवपूर्वक उसाचे नुकसान करून केली जात आहे. तोडणीला उशीर होईल, तेवढे उसाचे वजन कमी होत असून तोडणीचा खर्च मात्र, वाढत आहे..Sugarcane FRP Pending: ऊस उत्पादकांचे ४१२ कोटी कारखान्यांकडे थकित.यंदा बहुतांश साखर कारखान्यांनी हार्वेस्टरच्या साह्याने उसाची तोडणी सुरु केली आहे. कारखान्याच्या जवळच्या अंतरात बैलगाडीच्या साह्याने वाहतूक करून मजुरांकडून तोडणी सुरु आहे. यामुळे बैलगाड्या व हार्वेस्टरचे स्वतंत्र तोडणी वेळापत्रक (प्रोग्रॉम) तयार करण्यात आले आहे. यात हार्वेस्टरचा प्रोग्रॉम वेगाने सुरु असून बैलगाड्यांचा प्रोग्रॉम अडीच ते तीन महिने उशिराने सुरु आहे..हार्वेस्टरमुळे फडात ऊस शिल्लक रहातो. तो वेचून हार्वेस्टरमध्ये टाकण्यासाठी मजुरांचा खर्च वेगळा करावा लागतो. काही शेतकऱ्यांना हा ऊस वेचून वाहनाचा खर्च करून नेऊन द्यावा लागतो. यामुळे हार्वेस्टरच्या तोडणीला शेतकरी विरोध करत होते. आता तोडणीला उशीर होत असल्याने मिळेल त्या कारखान्याच्या हार्वेस्टरकडून तोडणीला शेतकरी प्राधान्य देत आहेत. याचा फायदा हार्वेस्टरची मंडळी उचलत आहे..Sugarcane Management: सुरू उसाचे जैविक खतांद्वारे व्यवस्थापन.ऑपरेटरपासून ऊस वाहतूक करणाऱ्या ट्रॅकरच्या चालकांना दक्षिणा म्हणून एक ते दोन हजार रुपये द्यावे लागत आहेत. त्यांच्यासाठी भोजनाचा खर्च वेगळा करावा लागत आहे. तोडणीला उशीर होईल, तसे या दक्षिणा खर्चात वाढ होत असून डिझेलचा खर्च वरच्या वर काढण्याचा प्रयत्न हार्वेस्टरचे मालक करताना दिसत आहे. एकरी दोन ते तीन हजार रुपयाची मागणी मालकांकडून होत असून येत्या काळात त्यात वाढ होईल, असे शेतकरी सांगत आहेत..दुसरीकडे आज व उद्या तोडणी येईल, या आशेने शेतकऱ्यांनी उसाला पाणी दिले नाही. त्याचा परिणाम उसाचे वजन घटले असून तोडणीचा एकरी खर्च मात्र, वाढत चालला आहे. तोडणीसाठी १५ नोव्हेंबरचा प्रोग्रॉम असताना दोन दिवसापूर्वी हार्वेस्टरच्या साह्याने तोडणी केली..हार्वेस्टरमालकाने एकही दोन हजार रुपयाची मागणी केली. एका दिवसात त्याने पंचवीस हजार रुपये वसुल केले. ऑपरेटर व ट्रॅक्टरचालकांची दक्षिणा वेगळीच होती. त्यांच्या जेवणाचा खर्चही दिवसाला दीड हजार रुपये होता. याशिवाच फडात राहिलेला ऊस वेचून व तोडून टाकण्यासाठी मजुरांचा खर्च वेगळा आहे. तोडणीचा दोन महिन्यापासून वाट पहात होतो. त्यामुळे उसाला पाणी दिले नाही. उसाचे वजन घटले. मात्र, काढणीचा खर्च वाढला आहे.मोहन माळी, ऊस उत्पादक शेतकरी, नायगाव, ता. कळंब.अर्धा एकराचा उसाच्या तोडणीसाठी मजुरांना साडेपाच हजार रुपये द्यावे लागले. तेव्हाच त्यांनी तोडणीला सुरवात केली. शेतात फसलेले ट्रॅक्टर बाहेर काढण्यासाठी हजार रुपये द्यावे लागले. त्यानंतर चालकाला पाचशे रुपये दक्षिणा दिली. अर्धा एकरासाठी सात हजार रुपये खर्च आला.जगन्नाथ भुजबळ, शेतकरी, कोंड, ता. धाराशिव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
