Jalgaon News: रब्बी पिके व केळी बागा पक्व होऊन काढणीवर आलेल्या असतानाच गारपीट, वादळाने खानदेशात कोट्यवधींची हानी झाली आहे. या अस्मानी संकटामुळे जळगाव जिल्ह्यातील ४५५ गावांत पीकहानी झाली. धुळे व नंदुरबारमध्ये सुमारे १५० गावांत नुकसान झाले आहे. .जळगाव जिल्ह्यात सुमारे १२ हजार हेक्टरवरील पिकांची नासाडी झाली. तर धुळ्यातही सुमारे तीन हजार हेक्टरवरील पिकांचे नुकसान या गारपिटीत झाले आहे. जळगाव जिल्ह्यात चोपडा, यावल, रावेर, मुक्ताईनगर, एरंडोल, धरणगाव, चाळीसगाव, पारोळा, पाचोरा या भागांत अधिक हानी झाली. धुळ्यात शिरपूर तालुक्यातही अधिक पीकहानी झाल्याचे पंचनाम्यांतून समोर आले आहे..Cashew Crop Damage: सिंधुदुर्ग जिल्ह्यात काजू बी काळवंडली.जळगाव जिल्ह्यात केळी, मका, गहू, काढणीवर आलेला हरभरा, कलिंगड, टोमॅटो आदी पिकांना मोठा फटका बसला आहे. शिरपुरातही केळी, टोमॅटो, कलिंगड, मका, गहू आदी पिकांचे अतोनात नुकसान झाले आहे. शिरपुरातील पूर्व भागात मोठे नुकसान झाले. हा भाग केळी उत्पादक पट्टा आहे..त्यात भावेर, बभळाज, होळनांथे, तरडी, भाटपुरा, सावेर, थाळनेर आदी गावांचा समावेश आहे. या भागात काढणीवर आलेल्या केळीबागा जमीनदोस्त झाल्या आहेत. सुमारे १० ते १२ मिनिटे गारपीट या भागात झाली होती. जळगाव जिल्ह्यात रावेर, मुक्ताईनगर भागात काढणीवर आलेल्या केळी बागांना मोठा फटका बसला आहे..Wildlife Crop Damage: वन्य प्राण्यांमुळे ४ हजारांहून अधिक शेतकऱ्यांचे नुकसान.प्रशासनाने पंचनामे केले आहेत. शासनाकडून भरपाई मिळेल. पण ही भरपाईची रक्कम, निधी वाढवून मिळण्याची गरज आहे. कारण खर्च वाढला आहे. तुटपुंजी मदत उपयोगाची नाही, असे शेतकऱ्यांचे म्हणणे आहे..कोट्यवधींची हानीकेळी, कलिंगड, टोमॅटो ही पिके हातची गेली आहेत. रावेरमधील रसलपूर, अटवाडा, अजनाड, पिंप्री, मंगरूळ, चोरवड या भागांतील केळी पीकही नष्ट झाले आहे. सुमारे १५० ते १८० कोटी रुपयांच्या केळी पिकाची हानी झाली असल्याचा अंदाज जाणकारांनी वर्तविला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
