Pune Rain Update: पुणे जिल्ह्यात १८, १९ आणि ३० मार्च रोजी झालेल्या पूर्वमोसमी पावसामुळे पिकांचे मोठे नुकसान झाले आहे. या पावसामुळे शेतीपिके, फळपिकांचे नुकसान झाले आहे. जिल्ह्यात १०५ गावांतील सुमारे ४१६४ शेतकऱ्यांचे एकूण १७८५.४ हेक्टरवरील पिकांचे नुकसान झाले आहे. नुकसानीमध्ये इंदापूर, पुरंदर तालुक्यांतील शेतकऱ्यांना आर्थिक फटका बसला असून, हे मोठे नुकसान झाले असल्याचे नजर अंदाजाच्या अहवालावरून समोर आले आहे..पुणे जिल्ह्यातील ३३ टक्केपेक्षा अधिक पिकांच्या नुकसानीबाबतचा नजर अंदाजाचा अहवाल जिल्हा अधीक्षक कृषी अधिकारी कार्यालयाकडे आला आहे. त्यावरून हवेली, शिरूर, पुरंदर, शिरूर, मुळशी, खेड, भोर, राजगड या तालुक्यांतील पिकांच्या नुकसानीची माहिती पुढे आली आहे. नैसर्गिक आपत्तीमध्ये फळपिकामध्ये डाळिब, आंबा पिकांचे नुकसान झाले आहे..Wheat Crop Damage : गव्हाला अवकाळी पावसाचा फटका; उत्पादनात घट होण्याची शक्यता.जिरायती पिकांना हेक्टरी ८५०० रुपये, तर बागायती पिकांना हेक्टरी १७ हजार रुपये, तर फळपिकांना हेक्टरी २२ हजार ५०० रुपयांची नुकसानीचे सानुग्रह अनुदान देण्यात येते. पंचनामा करण्याचे आदेश राज्याच्या उपमुख्यमंत्री सुनेत्रा पवार यांनी दिले आहे. त्यामुळे लवकरच पंचनाम्यास सुरुवात होऊन नुकसानीचे क्षेत्र समोर येईल. त्यानंतर नुकसानीसाठी आवश्यक असलेल्या निधीची मागणी शासनाकडे करण्यात येईल..जिल्ह्यात इंदापूर तालुक्यातील २६ गावांतील १४१४ शेतकऱ्यांचे सुमारे ६६४ हेक्टरवर पिकांचे नुकसान झाले आहे. त्यापाठोपाठ पुरंदर तालुक्यातील १२ गावांतील १ हजार २९३ शेतकऱ्यांचे ३८९.८० हेक्टरवर नुकसान झाले आहे. गहू, कांदा, हरभरा, डाळिंब, काकडी, कलिंगड, केळी, फुलपिके भाजीपाला पिकांचे व भाजीपाल्याचे मोठे क्षेत्र असून त्याचे मोठे नुकसान झाल्याने शेतकरी चांगलाच अडचणीत आला आहे..Unseasonal Rain Issue: उजनी पाणलोट क्षेत्राला अवकाळीचा तडाखा.पावसामुळे तालुकानिहाय झालेले नुकसान (हेक्टरमध्ये)तालुका गावाची संख्या शेतकरी संख्या नुकसानीचेक्षेत्र, हेक्टरहवेली १२ ३९० १७०राजगड १ २१ ३.७०दौड ४ २४३ ११०.२०पुरंदर १२ १२९३ ३८९.८०शिरूर ८ १५२ ९३.भोर २४ ४४५ २३५बारामती ४ ६६ ४१.७०इंदापूर २६ १३१४ ६६४मुळशी २ ५ २आंबेगाव ४ ११० ३१जुन्नर ४ ५५ २५खेड ४ ७० २५एकूण १०५ ४१६४ १७८५.४.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
