Nashik Agri Crisis: नाशिक जिल्ह्यात झालेल्या पूर्वमोसमी पाऊस व गारपिटीमुळे शेतकऱ्यांच्या पिकांचे मोठ्या प्रमाणावर नुकसान झाले असून, बाधित शेतकऱ्यांना तातडीने नुकसान भरपाई देण्यात यावी, अशी मागणी खासदार भास्करराव भगरे यांनी मुख्यमंत्री देवेंद्र फडणवीस यांच्याकडे केली आहे..नैसर्गिक आपत्तीमुळे जिल्ह्यातील कांदा, द्राक्ष, गहू, डाळिंब तसेच भाजीपाला पिकांचे मोठे नुकसान झाले आहे. अनेक ठिकाणी शेतकऱ्यांचे संपूर्ण हंगामी उत्पन्न नष्ट झाले असून ते आर्थिक संकटात सापडले आहेत. आधीच वाढता उत्पादन खर्च, बाजारातील अस्थिरता आणि कर्जबाजारीपणामुळे त्रस्त असलेल्या शेतकऱ्यांसाठी ही आपत्ती अधिक गंभीर ठरली आहे..Crop Damage Survey: अवकाळी नुकसानीचे तातडीने पंचनामे करा: पालकमंत्री जयकुमार गोरे.खासदार भगरे यांनी निवेदनात नमूद केले आहे, की नुकसानग्रस्त भागात त्वरित व वस्तुनिष्ठ पंचनामे करून शेतकऱ्यांना तत्काळ आर्थिक मदत देण्यात यावी. तसेच पंचनाम्याची प्रक्रिया पूर्ण होण्याची वाट न पाहता अंतरिम मदत देणे गरजेचे असून नुकसान भरपाईचे दरही वाढवावेत, अशी त्यांनी मागणी केली आहे. .Unseasonal Rain Crop Damage: अवकाळी, गारपिटीने झालेल्या नुकसानीचे पंचनामे सुरु, शेतकऱ्यांना मदत मिळणार, कृषिमंत्र्यांची विधानसभेत माहिती.यासोबतच पीक विमा दाव्यांची प्रक्रिया जलदगतीने पूर्ण करण्याचे निर्देश संबंधित यंत्रणांना द्यावेत, बाधित शेतकऱ्यांच्या कर्जफेडीस मुदतवाढ व व्याजमाफीचा विचार करावा, तसेच ज्या भागात नुकसान अधिक आहे त्या ठिकाणी विशेष मदत पॅकेज जाहीर करावे, अशीही मागणी केली आहे..दरम्यान, जिल्ह्यातील शेतकऱ्यांमध्ये चिंतेचे वातावरण असून शासनाकडून तातडीने दिलासा मिळण्याची अपेक्षा व्यक्त केली जात आहे..‘हा शेतकऱ्यांच्या अस्तित्वाचा प्रश्न’‘‘शेतकरी हा देशाचा कणा आहे. आज तोच संकटात सापडला असताना शासनाने तातडीने मदतीचा हात पुढे करणे अत्यावश्यक आहे. ही केवळ नैसर्गिक आपत्ती नसून शेतकऱ्यांच्या अस्तित्वाचा प्रश्न आहे,’’ असेही भगरे यांनी नमूद केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
