Guava Fruits Damage: केदारखेडा : गत काही वर्षांत केदारखेडा परिसरात पेरूबाग लागवडीकडे शेतकऱ्यांचा मोठ्या प्रमाणावर कल वाढला होता. परंतु निसर्गाच्या अवकृपेमुळे पेरूबाग उत्पादकांना अपेक्षित उत्पन्न मिळायला तयार नाही. दरम्यान, नुकत्याच झालेल्या अवकाळी पावसामुळे झाडांवरील फळे सडून जमिनीवर पडत आहेत. यामुळे शेतकऱ्यांच्या हातात नफा तर नाहीच, उलट मोठा तोटा सहन करावा लागत आहे. त्यामुळे पेरू बागधारक शेतकऱ्यांना नुकसान भरपाई द्यावी, अशी मागणी होत आहे..गत पाच वर्षांपूर्वी चांगला भाव मिळत असल्याने अनेक शेतकरी पेरू बागांकडे वळले होते. परंतु कालांतराने बागांची संख्या वाढत गेली आणि बाजारात पुरवठा वाढल्याने पेरूचा भाव घसरला. त्यामुळे काही शेतकऱ्यांनी आपली बागच नष्ट केली, तर काहींनी अपेक्षेने त्या टिकवून ठेवल्या. मात्र, या वर्षी काढणीच्या काळातच अवकाळी पावसाचा अतिरेक झाल्याने झाडावरील पेरू सडून गळून पडले. व्यापारी पाच रुपये किलोने पेरू विकत घेत असले तरी वाहतूक आणि तोडणी खर्चही भागत नाही. त्यामुळे सलग दुसऱ्या वर्षी पेरू उत्पादक शेतकऱ्यांचे मोठे नुकसान झाले आहे. स्थानिक पेरू बागधारक जगन जाधव, माधव जाधव आणि जिजा जाधव यांनी सांगितले, की बाग सांभाळण्यासाठी दरवर्षी मोठा खर्च करावा लागतो. पण हातात काहीच नफा लागत नाही. प्रशासनाने या परिस्थितीकडे गांभीर्याने लक्ष द्यावे..Guava Crop Insurance : पेरू पिकासाठी विमा.सलग दोन वर्षांपासून पेरूची बाग परवडतच नाही. पावसाने व भाव नसल्याने शेतकरी अडचणीत सापडला आहे.-अंकुश ठोंबरे, शेतकरी.पेरूच्या बागेतून काहीतरी हातात येईल, अशी अपेक्षा होती. पण उलट नुकसानच होते आहे. प्रशासनाने त्वरित मदत जाहीर करावी.-भाऊसाहेब जाधव, शेतकरी.Guava Processing : वाया जाणाऱ्या पेरुवर करा प्रक्रिया आणि नुकसान कमी करा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
