Agri Updates : नांदेड दुष्काळजन्य परिस्थितीमुळे पिके हातची गेल्याने शेतकऱ्यांमध्ये संतापाची भावना निर्माण झाली आहे. दाभड (ता. अर्धापूर) येथील शेतकरी आत्माराम टेकाळे यांनी प्रशासन आणि लोकप्रतिनिधींच्या पाहणी दौऱ्यांवर तीव्र नाराजी व्यक्त केली. ‘‘दीड एकर शेतात फिरून एक किलो सोयाबीन काढून दाखवा. त्याबदल्यात आमच्याकडून क्विंटलभर काजू, बदाम आणि पिस्ता घेऊन जा. यासाठी लागणारा खर्च आम्ही गावातून वर्गणी गोळा करून करू,’’ अशा शब्दांत त्यांनी संताप व्यक्त केला..गेल्या दीड-दोन महिन्यांपासून पावसाने दिलेल्या प्रदीर्घ खंडाचा खरीप पिकांना मोठा फटका बसला आहे. नांदेड जिल्ह्यासह अर्धापूर तालुक्यातील अनेक भागांत सोयाबीन, कापूस आणि तुरीची पिके पावसाअभावी संकटात सापडली आहेत. अनेक ठिकाणी सोयाबीनचे पीक उभे असले तरी झाडे वाळून गेली असून, शेंगांमध्ये दाणे भरलेले नसल्याचे शेतकऱ्यांचे म्हणणे आहे..Drought In Maharashtra: महिनाभर पावसाचा खंड, शेतकरी चिंतेत, कोरडा दुष्काळ जाहीर करण्याची मागणी.दाभड येथील शेतकरी आत्माराम टेकाळे यांनी वाळलेल्या सोयाबीनच्या शेतात उभे राहून आपली व्यथा मांडली. ‘‘पावसाच्या खंडामुळे संपूर्ण सोयाबीन वाळून गेले आहे. शेंगांमध्ये दाणेच धरले नाहीत. पेरणीपासून आतापर्यंत केलेला भांडवली खर्चही निघण्याची शक्यता नाही. आता वाळलेल्या पिकाची काढणी करायची तरी कशी आणि त्यासाठी लागणारी मजुरी भागवायची कशी?’’ असा सवाल त्यांनी केला. .Marathwada Drought: सोयाबीनसह खरीप पिके करपली, नेते शेतीच्या बांधावर, सरकार दुष्काळ कधी जाहीर करणार?.पावसाच्या प्रदीर्घ खंडामुळे अनेक शेतांमध्ये सोयाबीनच्या शेंगा अपुऱ्या राहिल्या आहेत. काही ठिकाणी दाणे न भरल्याने उत्पादनात मोठी घट होण्याची शक्यता आहे. अशा परिस्थितीत उभ्या पिकाची काढणी करण्यासाठी मजुरी, वाहतूक आणि इतर खर्च करणेही शेतकऱ्यांना आर्थिकदृष्ट्या परवडणारे राहिलेले नाही. त्यामुळे नुकसानग्रस्त क्षेत्राचे तातडीने पंचनामे करून शेतकऱ्यांना मदत जाहीर करावी, अशी मागणी जोर धरत आहे..पाहणी-दौरे नको, मदत द्यादुष्काळी परिस्थितीची पाहणी करण्यासाठी अधिकारी आणि लोकप्रतिनिधींचे दौरे होत आहेत. मात्र, पाहणी, बैठका आणि पंचनाम्यांपलीकडे शेतकऱ्यांच्या हातात प्रत्यक्ष मदत कधी येणार, असा प्रश्न उपस्थित होत आहे. ‘‘शेतात पीकच उरले नाही, अशा परिस्थितीत केवळ पाहणी करून शेतकऱ्यांचे प्रश्न सुटणार नाहीत. शासनाने तातडीने प्रत्यक्ष मदतीचा निर्णय घ्यावा,’’ अशी मागणी शेतकऱ्यांकडून होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
