Agriculture News : अमरावती शेतकऱ्यांच्या बांधावर जाऊन वस्तुस्थितीची पाहणी करण्याचे निर्देश उपमुख्यमंत्री सुनेत्रा पवार यांनी दिले आहेत. या पार्श्वभूमीवर विधान परिषद आमदार संजय खोडके यांनी भातकुली तालुक्यातील भातकुली, निंबा व कवठा बहाळे परिसरातील नुकसानग्रस्त सोयाबीन व कापूस पिकांची प्रत्यक्ष पाहणी केली..अमरावती जिल्ह्यात पावसाअभावी दुष्काळसदृश परिस्थिती निर्माण झाली असून, जिल्ह्यात सरासरीच्या तुलनेत सुमारे ५० टक्केच पाऊस झाल्याने खरीप हंगामातील विविध पिकांवर मोठा परिणाम झाला आहे. विशेषतः भातकुली तालुक्यातील भातकुली, निंबा व कवठा बहाळे परिसरात सोयाबीन आणि कापूस पिकांचे मोठ्या प्रमाणात नुकसान झाल्याचे पाहणीदरम्यान निदर्शनास आले..Drought In Maharashtra: महिनाभर पावसाचा खंड, शेतकरी चिंतेत, कोरडा दुष्काळ जाहीर करण्याची मागणी.आमदार संजय खोडके यांनी भातकुली येथील लक्ष्मण भीमराव सरोदे, सुनीता राजेश पवार, निंबा येथील तुळशीराम हरिभाऊ सिरसाट व रवींद्रकुमार सिंघई तसेच कवठा बहाळे येथील संजय सगणे आणि प्रदीप सगणे यांच्या शेतातील सोयाबीन व कापूस पिकांची पाहणी केली..Chandur Bazar Drought : कोरड्या दुष्काळाच्या छायेत चांदूरबाजारचा बळीराजा.पाहणीदरम्यान आमदार खोडके यांनी कृषी विभागाच्या अधिकाऱ्यांशी चर्चा करून नुकसानग्रस्त पिकांचे तातडीने पंचनामे करून अहवाल सादर करण्याच्या सूचना दिल्या. दुष्काळसदृश परिस्थितीचा सर्वंकष आढावा घेण्यासाठी डिजिटल सर्वेक्षणासोबतच अधिकारी-कर्मचाऱ्यांनी प्रत्यक्ष शेतकऱ्यांच्या बांधावर जाऊन पिकांची पाहणी करावी. .तसेच पीक पंचनाम्यांसाठी आवश्यक एसओपीची तातडीने अंमलबजावणी करावी, अशा सूचनाही त्यांनी केल्या. या वेळी भातकुली तालुका कृषी अधिकारी उत्कर्षा भोसले, उपकृषी अधिकारी प्रमोद खर्चान, अविनाश देशमुख, धीरज मारोडकर, सहायक कृषी अधिकारी अतुल सोळंके, अनुराधा राजूस्कर, प्रमोद कोकणे आदींसह शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
