Dhule News : यंदा ओल्या दुष्काळामुळे खरिपातील पिकांची स्थिती बिकट आहे. परंतु अनेक प्रकल्पांत जलसाठा मुबलक आहे. तसेच माळरानासह शिवारातही हिरवा चारा मुबलक आहे. त्यामुळे दूध उत्पादकांना यंदा दिलासा मिळणार आहे. .पावसामुळे मका, बाजरी व इतर पिके खराब होवू लागली आहेत. परंतु चारा हाती येईल, अशी स्थिती आहे. २०२३ मध्ये दुष्काळामुळे शिवारात पिके करपल्यामुळे शेतकऱ्यांच्या हाती पुरेसा चाराही लागला नाही, यामुळे महाग चारा घ्यावा लागला होता. तसेच टंचाईदेखील होती..Fodder Model: सकस चाऱ्यासाठी सुबाभूळ, मारवेल.२०२३ नंतर स्थिती चांगलीखानदेशात २०२३ मध्ये कमी पाऊस होता. वार्षिक सरासरीच्या ८२ टक्के इतका पाऊस झाला. मध्यम व लघु प्रकल्पांमध्ये सरासरी कमी जलसाठा उन्हाळ्यात होता. पाण्यासाठी अनेक विहिरींचे अधिग्रहण करण्यात आले होते. धुळ्यातील शिंदखेडा, धुळे, साक्री, जळगावातील चाळीसगाव, अमळनेर, बोदवड आदी भागात स्थिती गंभीर होती. .धुळे, साक्री, शिरपूर या तीन तालुक्यांतील एकूण २८ महसूल मंडळांत दुष्काळसदृश परिस्थिती होती. पाणीटंचाईवर उपाययोजना करण्यासाठी प्रशासनाला सतत बैठका व नियोजन करावे लागले. पण मागील वेळेस किंवा २०२४ मध्ये व यंदा पाऊसमान चांगले आहे. जळगाव जिल्ह्यात एकूण सरासरीच्या ११० टक्के पाऊस झाला आहे. धुळ्यातही पाऊसमान १०० टक्क्यांवर आहे. नंदुरबारातही पावसाने सरासरी ओलांडली आहे..Fodder Cultivation : गायरान जमिनीवर चारा लागवड प्रकल्पाला सुरुवात.पुरेसा चारासध्या चारा पुरेसा आहे. तसेच पाण्याची समस्याही दूर झाली आहे. दिवसभरात गायीला सरासरी ४० किलो चारा लागतो. तसेच म्हशीला सरासरी ५० किलो चारा लागतो. चारा दर आवाक्यात आहेत. त्यावरील खर्च कमी झाला आहे. अनेक शेतकरी मुरघास बॅगमध्ये हिरव्या चाऱ्याचे तुकडे करून साठवीत आहेत. एक, तीन व पाच टनांची एक बॅग चारा साठवणुकीसाठी वापरली जात आहे..टँकरचीही दरवाढ थांबणारग्रामीण भागात सद्यःस्थितीला जनावरांना चाऱ्यासह पाणीही मुबलक आहे. २०२३ मध्ये भीषण टंचाई जाणवली होती. पण यंदा पाणी व चारा सर्वत्र उपलब्ध असून, स्थानिक भागासह अन्य जिल्ह्यातही तो मुबलक असल्याने तो सहज खरेदी करून आणणे शक्य आहे. टँकरद्वारे पाणी आणण्याची वेळ यंदा फारशी येणार नाही, असे शेतकऱ्यांचे म्हणणे आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
