Human Wildlife Conflict : चंद्रपूर सावली तालुक्यातील सामदा उपक्षेत्रात गुरे चारण्यासाठी जंगलात गेलेल्या एका वृद्ध गुराख्यावर वाघाने हल्ला करून ठार केल्याची घटना दुपारच्या सुमारास घडली. हिरामण मार्कंडी साखरे (वय ७५, रा. सामदा) असे मृत गुराख्याचे नाव असून या घटनेमुळे परिसरात भीतीचे वातावरण निर्माण झाले आहे..सावली वनपरिक्षेत्रांतर्गत सामदा उपक्षेत्रातील नागोबा देवस्थान परिसरातील जंगलात हिरामण साखरे हे त्यांचे भाऊ श्रावण साखरे यांच्यासह गुरे चारण्यासाठी गेले होते. गुरे चरत असताना वाघाची डरकाळी ऐकू आली. त्यामुळे गुरे वळविण्याचा प्रयत्न सुरू असतानाच वाघाने हिरामण साखरे यांच्यावर झडप घालत प्राणघातक हल्ला केला. या हल्ल्यात त्यांचा जागीच मृत्यू झाला..Ashadhi Wari: एक तरी वारी अनुभवावी... .घटनेनंतर श्रावण साखरे यांनी जीव वाचवत गाव गाठले आणि वनविभागाला माहिती दिली. माहिती मिळताच वनविभागाचे अधिकारी व कर्मचारी घटनास्थळी दाखल झाले. मृतदेहाचा पंचनामा करून तो उत्तरीय तपासणीसाठी पाठविण्यात आला. कोणताही अनुचित प्रकार घडू नये म्हणून सावली पोलिसांनीही परिसरात बंदोबस्त ठेवला होता..Kurmar Community: कुरमार : कुरी पाळणारे भटके पशुपालक.या घटनेनंतर सावली वनपरिक्षेत्रातील वाढत्या वन्यजीव-मानव संघर्षाचा प्रश्न पुन्हा ऐरणीवर आला आहे. नागरिकांच्या म्हणण्यानुसार, परिसरात वाघांसह इतर वन्यप्राण्यांचा वावर वाढत असून प्रतिबंधात्मक उपाययोजना अपुऱ्या पडत आहेत. विशेष म्हणजे, तीन आठवड्यांपूर्वी याच नागोबा देवस्थान परिसरात टस्कर हत्तीच्या हल्ल्यात अतुल गोहणे यांचा मृत्यू झाला होता. सलग घडणाऱ्या अशा घटनांमुळे शेतकरी आणि ग्रामस्थांमध्ये तीव्र भीतीचे वातावरण आहे..दहशतीत शेतीची कामेसध्या खरीप हंगामातील शेतीची कामे वेगाने सुरू आहेत. मात्र वन्यप्राण्यांच्या वाढत्या वावरामुळे शेतकरी आणि शेतमजुरांना भीतीच्या छायेत काम करावे लागत आहे. अनेक ठिकाणी वन्यप्राण्यांच्या दहशतीमुळे मजूर मिळण्यासही अडचणी निर्माण होत आहेत. त्यामुळे वनविभागाने गस्त वाढवून वन्यजीव-मानव संघर्ष रोखण्यासाठी प्रभावी उपाययोजना कराव्यात, अशी मागणी शेतकरी आणि ग्रामस्थांनी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
