Nashik Grape Farmer Fraud Case: निफाड व दिंडोरी तालुक्यांतील द्राक्ष उत्पादक शेतकऱ्यांची तब्बल ६३ लाख रुपयांची आर्थिक फसवणूक केल्याप्रकरऔणी तिघांविरुद्ध ओझर, दिंडोरी आणि पिंपळगाव पोलिस ठाण्यांत स्वतंत्र गुन्हे दाखल करण्यात आले आहेत. .ओझर पोलिस ठाण्यातील गुन्ह्यातील जामीन अर्ज पिंपळगाव न्यायालयाने फेटाळला असून, अटक करण्यात आलेल्या अन्य दोघांना न्यायालयीन कोठडी सुनावण्यात आली आहे. मुख्य संशयित हेमंतकुमार सिंह अद्याप फरार असून, तो परराज्यात पळून गेल्याचा संशय शेतकऱ्यांनी व्यक्त केला आहे..या प्रकरणात हेमंतकुमार सिंह (रा. दुर्गानगर, नाशिक), नितीन जंगल रासकर (रा. पंचवटीनगर, ओझर एमआयडीसी) आणि कृष्णा रामनाथ निमसे (रा. नांदूर नाका, नाशिक) यांच्याविरुद्ध गुन्हे दाखल आहेत. यापैकी सिंह फरार असून, रासकर व निमसे यांना न्यायालयाने न्यायालयीन कोठडी सुनावली आहे..Grape Fraud : द्राक्ष उत्पादकांना फसविणाऱ्या आरोपी महिलेला दिल्लीतून अटक.पिंपळगाव पोलिस ठाण्यात हनुमंत खोडे यांच्यासह तीन शेतकऱ्यांनी, दिंडोरी पोलिस ठाण्यात हरीश वाघ यांच्यासह सहा शेतकऱ्यांनी, तर ओझर पोलिस ठाण्यात सुनील कदम यांच्यासह पाच शेतकऱ्यांनी फिर्याद दाखल केली आहे. तिन्ही प्रकरणांमध्ये एकूण ६३ लाख रुपयांची फसवणूक झाल्याचा आरोप करण्यात आला आहे..Grape Farmers: द्राक्ष उत्पादक फसवणूक प्रकरणातील दोन संशयित न्यायालयीन कोठडीत.पोलिसांनी दिलेल्या माहितीनुसार, संशयितांनी शेतकऱ्यांकडून द्राक्षांची खरेदी करून त्यांची विक्री केली. मात्र, विक्रीची रक्कम संबंधित शेतकऱ्यांना अदा केली नाही. वारंवार पाठपुरावा करूनही पैसे देण्यास टाळाटाळ करण्यात आली. तसेच संशयितांनी दिलेले धनादेश बँकेत सादर केल्यानंतर अपुऱ्या शिलकीमुळे वटले नसल्याचे फिर्यादींनी तक्रारीत नमूद केले आहे. या प्रकरणातील आर्थिक व्यवहारांचा पोलिसांकडून सखोल तपास सुरू आहे..फरार संशयिताचा शोध घेण्याची मागणीमुख्य संशयित हेमंतकुमार सिंह परराज्यात फरार झाल्याचा संशय शेतकऱ्यांनी व्यक्त केला असून, त्याचा तातडीने शोध घेण्याची मागणी केली आहे. तसेच निफाड व चांदवड तालुक्यात संशयितांच्या संपर्कात असलेल्या इतर व्यापाऱ्यांच्या व्यवहारांचीही चौकशी करावी, अशी मागणी करण्यात आली आहे. फरार संशयिताचा शोध घेण्यासाठी पोलिसांची विशेष पथके सक्रिय झाली असून, आर्थिक व्यवहारांची तपासणीही सुरू आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
