Nagpur News: आधुनिक शेतीकडे वळणाऱ्या शेतकऱ्यांची संख्या वाढत असून राज्य शासनाच्या कृषी यांत्रिकीकरण योजनेअंतर्गत पूर्व विदर्भातील तब्बल १ लाख २८ हजार ९१८ शेतकऱ्यांची निवड करण्यात आली आहे. वेळेत आवश्यक कागदपत्रे सादर करणाऱ्या शेतकऱ्यांच्या खात्यावर आतापर्यंत २७ कोटी ३७ लाख रुपये अनुदान थेट जमा करण्यात आले आहे..राज्य कृषी यांत्रिकीकरण योजनेअंतर्गत ट्रॅक्टर व ट्रॅक्टरचलित अवजारे, रोटाव्हेटर, पॉवर टिलर, पेरणी व फवारणी यंत्रे, कापणी व मळणी यंत्रे तसेच पीक अवशेष व्यवस्थापनासाठी आवश्यक उपकरणांवर ४० ते ५० टक्के अनुदान देण्यात येते..पूर्व विदर्भातील वर्धा, नागपूर, भंडारा, गोंदिया, चंद्रपूर व गडचिरोली या जिल्ह्यांमध्ये मजुरांची कमतरता आणि वाढती मजुरी ही मोठी समस्या ठरत आहे. या पार्श्वभूमीवर कृषी यांत्रिकीकरणामुळे शेतकऱ्यांचा वेळ, श्रम व खर्च वाचत असून विशेषतः लहान व अल्पभूधारक शेतकऱ्यांसाठी ही योजना दिलासादायक ठरत आहे..Agriculture Mechanization : शेतीच्या यांत्रिकीकरणामध्ये आपले सर्वोत्कृष्ट योगदान द्या ः डॉ. नलावडे.निवड झालेल्या शेतकऱ्यांपैकी २७ हजार ५२५ शेतकऱ्यांनी आवश्यक कागदपत्रे ऑनलाइन अपलोड केली आहेत, तर २२ हजार ३४ प्रकरणे अद्याप प्रलंबित असल्याची माहिती कृषी विभागाने दिली. कागदपत्रांची पूर्तता झाल्यानंतर पुढील टप्प्यात अनुदान वितरण करण्यात येणार आहे..या योजनेअंतर्गत आतापर्यंत २७ कोटी ३७ लाख ९७ हजार २१ रुपये अनुदान थेट शेतकऱ्यांच्या खात्यात जमा झाले आहे. याशिवाय ७ कोटी ७६ लाख ४४ हजार ८७७ रुपये अनुदान सध्या प्रक्रियेत असून, लवकरच पात्र शेतकऱ्यांना त्याचा लाभ मिळणार असल्याचे कृषी विभागाने स्पष्ट केले. या योजनेमुळे पूर्व विदर्भातील शेती आधुनिकतेकडे वाटचाल करत असल्याचे चित्र दिसून येत आहे..Agriculture Mechanization: यांत्रिकीकरणामुळे भारतीय शेतीचे चित्र बदलेल?.योजनेचा होणार विस्तारनिवड झालेल्या मात्र अद्याप कागदपत्रे अपलोड न केलेल्या शेतकऱ्यांनी तातडीने प्रक्रिया पूर्ण करावी, असे आवाहन कृषी विभागाने केले आहे..भविष्यात योजनेचा विस्तार करून अधिक कृषी यंत्रांचा समावेश करण्यात येणार असल्याचेही संकेत देण्यात आले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
