Gram Panchayat Employees Maharashtra: सन २०२६- २७ वर्षातील ग्रामपंचायत कर्मचाऱ्यांचे वेतन व सरपंच, उपसरपंच यांचे मानधन तसेच सदस्य बैठक भत्ता यासाठी आणखी २३० कोटी रुपयांचा निधी वितरित करण्यास शासनाने मंजुरी दिली आहे. याबाबतचा शासन निर्णय ग्राम विकास विभागाने जारी केला आहे. .सन २०२६-२७ या आर्थिक वर्षामध्ये ग्रामपंचायत कर्मचाऱ्यांच्या वेतन व भविष्य निर्वाह निधी तसेच ग्रामपंचायत सरपंच/उपसरपंच यांचे मानधन, सदस्य बैठक भत्ता देण्यासाठी वित्त विभागाने ८२०.५६ कोटी अर्थसंकल्पीय तरतूद केली आहे. याआधी एप्रिल ते जून २०२६ या तीन महिन्यांचा खर्च भागविण्यासाठी २३४.४२ कोटी इतका निधी वितरीत केला होता. आता वित्त विभागाने मंजूर अर्थसंकल्पीय तरतूदीपैकी २३० कोटी ८८ लाख रुपये इतका निधी जुलै ते सप्टेंबर २०२६ या तीन महिन्यांचा खर्च भागविण्यासाठी पंचायत राज विभागास उपलब्ध करुन दिला आहे. .New Gram Panchayat Schemes: ग्रामपंचायतींसाठी पाच नव्या योजनांना मंजुरी.सरपंच, उपसरपंच यांचे मानधन व सदस्य बैठक भत्ता थेट त्यांच्या बँक खात्यात जमा करण्याचा निर्णय घेण्यात आला आहे. तथापी, सदर सहायक अनुदान अदा करण्यासाठी विकसित केलेल्या ईआरपी (ERP) प्रणाली सद्य:स्थितीत बंद आहे. यामुळे ही प्रणाली पूर्वीप्रमाणे सुरळीत होईपर्यंत, सहायक अनुदान जिल्हा परिषद यांना वितरीत करुन, ते जिल्हा परिषदेमार्फत संबधितांना अदा करण्यास संचालक, राज्य व्यवस्थापन कक्ष, पंचायत राज, पुणे यांना मंजुरी देण्यात आली आहे..Gram Panchayat Electricity Bill: ग्रामपंचायतींसमोर वीजबिल थकबाकीचे संकट कायम.राज्य सरकारने विधानसभा निवडणुकीच्या पार्श्वभूमीवर सरपंच आणि उपसरपंच यांच्या मानधनात दुपटीने वाढ करण्याचा निर्णय घेतला होता. दोन हजार लोकसंख्या असलेल्या ग्रामपंचायतींच्या सरपंचांच्या मानधनात ३ हजार रुपयांवरुन ६ हजार रुपये, तर उपसरपंचांच्या मानधनात १ हजार रुपयांवरून २ हजार रुपये वाढ केली होती. लोकसंख्या वर्गीवारीनुसार सरपंचांना ६ हजार ते १० हजार रुपये तर उपसरपंचांना २ हजार ते ४ हजार रुपयांपर्यंत मानधन दिले जाते. राज्यात २८ हजार ग्रामपंचायतींमध्ये सरपंच, उपसरपंच आणि सदस्य मिळून सुमारे ३ लाख लोकप्रतिनिधी आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
