Pune News: कृषी उत्पन्न बाजार समितीमधील विविध गैरव्यवहारांच्या चौकशीमध्ये विलंब होत असल्याने शासनाने पणन संचालकांबाबत नाराजी व्यक्त केली आहे. या पार्श्वभूमीवर, पणन संचालकांनी बाजार समिती सभापती आणि सचिवांविरोधात कायदेशीर कारवाई करण्याचा इशारा दिला आहे. हा विषय विधानमंडळाशी निगडीत असल्याने येत्या ७ दिवसांत कारवाईचा अहवाल सादर करण्याचे आदेश त्यांनी दिले आहेत. .संचालक मंडळ नियुक्त झाल्यापासून बाजार समितीच्या संचालकांवर विविध गैरव्यवहारांचे आरोप झाले. या प्रकरणी नगरविकास राज्यमंत्री माधुरी मिसाळ, ज्येष्ठ नेते शरद पवार, खासदार सुप्रिया सुळे, आमदार रोहित पवार, आमदार सदाभाऊ खोत यांच्याकडून मुख्यमंत्री, पणनमंत्री, पणन संचालकांकडे तक्रार अर्ज करण्यात आले होते..Pune APMC: आरोप-प्रत्यारोपांनी गाजली अडते असोसिएशनची सभा.या विविध तक्रारअर्जांवर पणन संचालक विकास रसाळ यांनी विविध समित्या स्थापन केल्या. या समिती सदस्यांवरदेखील आरोप झाले. आरोपांनंतर चौकशी अधिकारीदेखील बदलण्यात आले. मात्र गेल्या काही महिन्यांपासून चौकशी प्रलंबितच आहे..दरम्यान, विभागीय सहनिबंधक योगीराज सुर्वे यांच्या अध्यक्षतेखाली एक चौकशी समिती स्थापन करण्यात आली. स्वतःला चौकशी समितीमधून वगळण्याची विनंती सुर्वे यांनी पणन संचालकांकडे केली..Pune APMC: पुणे बाजार समितीचे चौकशी समिती अधिकारी बदलले.मात्र त्यांनी सुर्वे यांची विनंती फेटाळत त्यांनाच चौकशी अहवाल सादर करण्याचे आदेश दिले होते. परंतु, अद्यापही सादर न झालेला चौकशी अहवाल व शासनाची खरडपट्टी या पार्श्वभूमीवर पणन सहसंचालक राजेंद्रकुमार दराडे यांनी जिल्हा उपनिबंधक आणि बाजार समितीला पत्र पाठवून ७ दिवसांत अहवाल सादर करण्याचे आदेश दिले आहेत. अन्यथा, कारवाई करण्याचा इशारा दिला आहे..कारवाईचा इशाराअद्यापही सादर न झालेला चौकशी अहवाल व शासनाची खरडपट्टी या पार्श्वभूमीवर पणन सहसंचालक राजेंद्रकुमार दराडे यांनी जिल्हा उपनिबंधक आणि बाजार समितीला पत्र पाठवून ७ दिवसांत अहवाल सादर करण्याचे आदेश दिले आहेत. अन्यथा, कारवाई करण्याचा इशारा दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
