Yavatmal News: शासन धोरणांचा बाजार समितीमधील उलाढालीवर झालेला परिणाम यातून शेतकरीच नाही तर व्यापाऱ्यांवरही परिणाम झाला आहे. या व्यवहारातून नफ्याची टक्केवारी कमी झाल्याने अनिश्चिततेतून यवतमाळ बाजार समितीमधील चार व्यापाऱ्यांनी या व्यवसायाला ‘सोडचिठ्ठी’ दिल्याचे वृत्त आहे. .पिवळ्या वाटाण्याच्या शुल्कमुक्त आयातीमुळे देशांअंतर्गंत डाळवर्गीय बाजार गडगडला. यंदा केंद्र शासनाने सोयाबीनलाa ५३२८ रुपयांचा हमीभाव जाहीर केला आहे. परंतु गेल्या हंगामापासून सोयाबीनचे दर ४००० ते ४२०० रुपयांवर स्थिरावले आहेत. मध्यंतरी पावसाचा खंड पडल्याने सोयाबीनची उत्पादकतेवर परिणाम होईल, या चिंतेने सोयाबीन दरात ४७०० रुपयांपर्यंतची तेजी अनुभवली गेली..AI Policy in Agriculture: ‘एआय’ धोरणाला पुढे नेण्याची जबाबदारी कृषी आयुक्तालयाकडे.त्यानंतर देशभरात जोरदार पाऊस झाल्याने पुन्हा दर दबावात आले. आंतरराष्ट्रीस्तरावर सोया पेंडच्या दरातील चढ-उताराचा सर्वाधिक परिणाम सोयाबीन दरावर होतो. आता केंद्र सरकारने कापसावरील ११ टक्के आयात शुल्क देखील हटविण्याचा निर्णय घेतला आहे. त्याचा परिणाम यंदा कापूस हंगामावर होईल..Maharashtra Agriculture AI Policy: शेतीत कृत्रिम बुद्धिमत्ता वापराच्या धोरणाला मंजुरी.सध्या आयात-निर्यात धोरणामुळे अचानक तेजी, तर मध्येच मंदीचा परिणाम दिसून येतो. त्यामुळे भुसारमालाचा व्यापारीवर्ग ही अस्वस्थ असल्याचे चित्र आहे. यातूनच यवतमाळ बाजार समितीच्या चार व्यापाऱ्यांनी या व्यवसायातून माघार घेतल्याचे सांगितले जात आहे..बाजार समितीचे सचिव राजू उमरे यांनी या संदर्भात माहिती देताना सांगितले, की काही व्यापाऱ्यांनी भागीदारीत खासगी बाजार समितीची उभारणी केली. त्यामुळे त्यांनी बाजार समितीमधील आपला व्यवसाय गुंडाळला. मात्र याचा फारसा परिणाम भुसार मालाच्या व्यवहारावर झाला नाही..बाजार समितीमध्ये दहा व्यापारी होते; यातील चार व्यापाऱ्यांनी यातून माघार घेतली. या व्यवसायात अपेक्षित उत्पन्न मिळत नसल्याचे कारण त्यांनी सांगितले. शासनाचे धोरण असेच राहिल्यास बाजार समित्यांची स्थिती विदारक होणार आहे.-रवींद्र ढोक, सभापती, बाजार समिती, यवतमाळ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
