Ahilyanagar News: अहिल्यानगर जिल्ह्यात चार महिन्यांपूर्वी झालेल्या अतिवृष्टी, पुरामुळे १८१६ विहिरींचे नुकसान झाले होते. पाथर्डी व त्यापाठोपाठ शेवगाव तालुक्यात सर्वाधिक नुकसान झाले होते. त्यासाठी आता शेतकऱ्यांना नुकसान भरपाई मिळणार असून त्यासाठी शासनाकडून २ कोटी ७२ लाखांचा निधी मिळाला आहे..अहिल्यानगर जिल्ह्यातील अहिल्यानगर, पारनेर, नेवासा, शेवगाव, पाथर्डी, जामखेड, पारनेर, राहाता, राहुरी, संगमनेर, अकोले, श्रीरामपूर, कोपरगाव तालुक्यांत यंदा सप्टेंबर महिन्यात झालेल्या अतिवृष्टी आणि महापुराने पिकांच्या नुकसानीसह विहिरींनाही मोठा फटका बसला होता. जिल्ह्यातील २७६ गावांतील १ हजार ८१६ विहिरींचे नुकसान झाले होते. सरकारच्या वतीने या नुकसानग्रस्त विहिरींचे पंचनामे करण्यात आले होते..Debt Relief Fund: कर्जमुक्तीसाठी केवळ ५०० कोटी.जिल्ह्याच्या दक्षिण भागातील तालुक्यांना अतिवृष्टीचा सर्वाधिक फटका बसला होता. नगर, नेवासे, पारनेर, शेवगाव, पाथर्डी, कर्जत, जामखेडसह उत्तरेतील कोपरगाव, राहाता या तालुक्यात सप्टेंबर महिन्यात अतिवृष्टीचा फटका बसला होता. जिल्ह्यातील १३४ पैकी १०० पेक्षा अधिक महसूल मंडलांमध्ये अतिवृष्टी झाली. त्यात प्रामुख्याने पाथर्डी, शेवगाव, नेवासे, जामखेड, पारनेर, अहिल्यानगर, राहाता, कोपरगाव तालुक्यांत तुलनेने अधिक नुकसान झाले. साधारण २० पेक्षा अधिक मंडलांत चार ते पाच वेळा सलग अतिवृष्टी झाली..सीना, मुळा, प्रवरा, खैरी, कुकडी, ढोका, नंदिनीसह स्थानिक नद्यांना महापूर आले. पुराचे पाणी शेतात घुसल्याने पिके तसेच नदीकाठची शेती मोठ्या प्रमाणात वाहून गेली आहे. मात्र, या पुराचा विहिरींनाही मोठा फटका बसला. महापुराच्या पाण्यामुळे अनेक ठिकाणी विहिरी खचल्या, तर काही ठिकाणी कठडे तुटले..National Health Mission Fund: चार लाख रुपयांचा निधी गेला परत.पाथर्डी तालुक्यात सर्वाधिक विहिरींचे नुकसान झाले. नदीकाठच्या विहिरींत पावसाचे पाणी घुसल्याने गाळही जमा झाला आहे. पुरात विद्युतपंप व इतर साहित्य वाहून गेले आहे. शासनाकडून नुकसान झालेल्या विहिरीला प्रारंभी प्रत्येकी १५ हजार रुपये नुकसान भरपाई देण्यात येणार आहे. त्यासाठी २ कोटी ७२ लाखांचा निधी मिळाला आहे..तालुकानिहाय बाधित विहिरींची संख्याअहिल्यानगर : ६५, अकोले : १, जामखेडः २७६, कर्जत : १६९, नेवासे : ५९, पारनेर : १३ विहिरी, : पाथर्डी : १ हजार ३४, राहुरी : ३९, संगमनेर : १, शेवगाव : १२५, श्रीगोंदे : ७, श्रीरामपूर : २०, राहाता : ७.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
