Latur News : राज्य सरकारने अतिवृष्टी व पूरग्रस्तांच्या मदतीसाठी शेतकऱ्यांच्या ऊस बिलातून प्रति टन पंधरा रुपये कपात करण्याचा निर्णय घेतला. शेतकऱ्यांनी घामातून पिकविलेल्या उसाच्या पैशातून शेतकऱ्यांनाच मदत करण्याचा हा नवा फंडा सरकारने शोधला आहे. .सरकारच्या या भूमिकेचा निषेध करत स्वाभिमानी शेतकरी संघटनेच्या वतीने डिघोळ देशमुख (ता. रेणापूर) येथे राजू शेट्टी यांच्या उपस्थितीत या निर्णयाची होळी करण्यात आली. संकटाच्या काळातही प्रशासनाने शक्तिपीठ महामार्गाच्या मोजणीसाठी नोटिसा दिल्या होत्या. या नोटिसांचीही होळी करण्यात आली..Sugarcane Bill: प्रति टन १५ रुपये कपातीतून शेतकऱ्यांच्या पैशांवर दरोडा.मागील आठवड्यात मुख्यमंत्री देवेंद्र फडणवीस यांच्या अध्यक्षतेखाली ऊस गळीत हंगाम व धोरण ठरविण्यासाठी मंत्री समितीची बैठक झाली. यात मुख्यमंत्री सहाय्यता निधीकरिता ऊस उत्पादक शेतकऱ्यांकडून साखर कारखान्याच्या वतीने प्रति टन १५ रुपये कपात करण्याचा निर्णय झाला..सध्या मुख्यमंत्री सहाय्यता निधी, गोपीनाथ मुंडे ऊसतोडणी महामंडळ, राज्य साखर संघ व साखर आयुक्त कार्यालयाच्या वर्गणीकरिता प्रतिटन १७.५० रुपयाची कपात केली जाते. या बैठकीत पुन्हा प्रति टन दहा रुपये जादा कपात करून पाच रुपये पूरग्रस्त व पाच रुपये मुख्यमंत्री सहाय्यता निधीस घेण्याचा निर्णय झाला. .Farmer Protest: करमोडीतील शेतकऱ्यांनी नाकारली शासनाची मदत.यातून राज्य सरकार सर्व भार शेतकऱ्यांच्या माथी मारत आहे. मुळात राज्य सरकारच ऊस उत्पादक शेतकऱ्यांना तीन टप्प्यांत एफआरपी देण्यासाठी सर्वोच्च न्यायालयात गेले आहे. राज्य सरकार व सर्व साखर कारखानदार मिळून शेतकऱ्यांच्या विरोधात भूमिका घेत आहेत. चार महिने सातत्याने पाऊस असल्याने उसाच्या उत्पादनात घट झाली आहे. खते, बी बियाणे, कीटकनाशके व मजुरीचे दर गगनाला भिडले आहेत, असे श्री. शेट्टी म्हणाले..या वेळी शक्तिपीठ महामार्गाच्या मोजणीसाठी आलेल्या नोटिसांचीही होळी करण्यात आली. सरकारला शेतकऱ्यांपेक्षा शक्तिपीठ महामार्ग महत्त्वाचा आहे, असा आरोपही श्री. शेट्टी यांनी या निमित्ताने केला. या वेळी संघटनेचे पदाधिकारी, कार्यकर्ते व शेतकरी उपस्थित होते..महागाई भरमसाट वाढल्याने शेतकऱ्यांचे कंबरडे मोडले आहे. अस्मानी व सुलतानी संकटाने शेतकरी हतबल झाला आहे. या काळात राज्य सरकारने शेतकऱ्यांच्या पाठीशी ठामपणे उभे राहणे गरजेचे होते. मात्र सरकारच शेतकऱ्यांचा बळी घेणारे निर्णय घेऊ लागले आहे.- राजू शेट्टी, प्रमुख, स्वाभिमानी शेतकरी संघटना.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
