Wildlife Conflict: वाघाच्या हल्ल्यात जखमी झालेल्या म्हशीवर उपचारासाठी जंगलात गेलेल्या चौघांवर वाघाने हल्ला केल्याची धक्कादायक घटना देवरी परिसरात घडली. या घटनेत पशुवैद्यकीय अधिकाऱ्यासह चार जण थोडक्यात बचावले असून, परिसरात भीतीचे वातावरण निर्माण झाले आहे..माहितीनुसार, देवरी (ता. गोंदिया) येथील जंगल परिसरात वाघाच्या हल्ल्यात गणेश मारवाडे या शेतकऱ्याची एक म्हैस फार झाली होती तर अन्य एक म्हैस जखमी झाली. जखमी म्हशीवर उपचारासाठी संबंधित पथक घटनास्थळी गेले होते. यात पशुधन विकास अधिकारी डॉ. पवन पाडवे, शेतकरी गणेश मारवाडी यांच्यासह गावातील दोन नागरिकांचा समावेश होता. ही घटना सायंकाळी सुमारे ५.३० वाजताच्या सुमारास घडली..Tiger Attack: वाघाच्या हल्ल्यात १९८ जनावरे ठार .उपचार सुरू असतानाच अचानक जंगलातून वाघाने झडप घालत चौघांवर हल्ला केला. या अनपेक्षित प्रसंगामुळे सर्वांची एकच धावपळ उडाली. प्रसंगावधान राखत संबंधितांनी आरडाओरडा करत हातातील साहित्याचा वापर करून स्वतःचा बचाव केला. त्यामुळे वाघ काही अंतरावर परत फिरला आणि मोठा अनर्थ टळला. .Tiger Attack: मोहफुले वेचताना वाघाचा हल्ला; ५५ वर्षीय शेतकरी ठार.या घटनेत कोणीही जखमी झाले नसले तरी सर्वजण प्रचंड घाबरले असून, घटनेनंतर परिसरात भीतीचे वातावरण पसरले आहे. घटनेची माहिती मिळताच वन विभागाचे पथक घटनास्थळी दाखल झाले असून, नागरिकांनी एकटे जंगलात न जाण्याचे आवाहन करण्यात आले आहे. दरम्यान, या घटनेवरून वन विभागाच्या निष्काळजीपणावर प्रश्नचिन्ह उपस्थित होत आहे. .वनपरिक्षेत्र अधिकारी योगेश शर्मा यांनी सांगितले की, संबंधितांनी घटनेपूर्वी कोणतीही पूर्वकल्पना दिलेली नव्हती. भविष्यात अशा घटना टाळण्यासाठी योग्य सुरक्षा उपाययोजना राबविण्यात येणार असल्याचे त्यांनी स्पष्ट केले..तज्ज्ञांच्या मते, वन्यप्राण्यांच्या अधिवासात वाढत्या मानवी हस्तक्षेपामुळे अशा घटनांमध्ये वाढ होत आहे. त्यामुळे पंचनाम्यासारख्या कामांसाठी जाताना वन विभागाकडून सुरक्षा पुरविणे अत्यावश्यक असल्याची मागणी पुढे येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
