Gondia Rice Procurement Crisis: गोंदिया जिल्ह्यातील रब्बी हंगामातील धान खरेदी अंतिम टप्प्यात असतानाच शासनाने दिलेले खरेदी उद्दिष्ट अपुरे ठरत असल्याने हजारो शेतकऱ्यांपुढे मोठे संकट उभे राहिले आहे. जिल्हा मार्केटिंग फेडरेशनला रब्बी हंगामासाठी २३ लाख १२ हजार क्विंटल धान खरेदीचे उद्दिष्ट देण्यात आले असताना ५ जूनपर्यंत २१ लाख ४० हजार क्विंटल धानाचीच खरेदी झाली आहे. मात्र अद्याप ३० हजारांहून अधिक शेतकरी विक्रीच्या प्रतीक्षेत असल्याने त्यांचे धान खरेदी केंद्रावर पडून आहे..जिल्ह्यातील शासकीय धान खरेदी केंद्रांवर विक्रीसाठी ७७ हजार ६२० शेतकऱ्यांनी नोंदणी केली होती. त्यापैकी आतापर्यंत ४७ हजार २५० शेतकऱ्यांनी धान विक्री केली असून उर्वरित शेतकरी अजूनही प्रतीक्षेत आहेत. नोंदणीकृत क्षेत्राचा विचार करता जिल्ह्यात सुमारे ७८ हजार हेक्टरवर रब्बी धानाची लागवड झाली होती. त्यामुळे प्रत्यक्ष उत्पादन शासनाच्या उद्दिष्टापेक्षा अधिक असल्याचे स्पष्ट होत आहे..Wheat MSP Procurement: देशात यंदा गव्हाची हमीभावाने विक्रमी खरेदी.असे असताना रब्बी हंगामातील धान खरेदीसाठी शासनाने सुरुवातीला ३० लाख क्विंटल खरेदीचे उद्दिष्ट अपेक्षित धरले होते. मात्र प्रत्यक्षात केवळ २३.१२ लाख क्विंटल उद्दिष्ट मंजूर करण्यात आले. परिणामी खरेदी प्रक्रियेवर ताण निर्माण झाला. आतापर्यंत खरेदी झालेल्या २१.४० लाख क्विंटल धानानंतरही मोठ्या प्रमाणात धान केंद्रांवर शिल्लक आहे..खरेदी हंगाम संपण्यासाठी अवघे काही दिवस शिल्लक असताना उद्दिष्ट पूर्ण होण्याच्या मार्गावर आहे. अशा स्थितीत उद्दिष्टवाढ न झाल्यास हजारो शेतकऱ्यांचे धान हमीभावाने विक्री करण्याचे स्वप्न अधुरे राहण्याची भीती व्यक्त होत आहे. विशेष म्हणजे रब्बी हंगामातील धान खरेदीवर आतापर्यंत सुमारे ४७५ कोटी रुपयांचा व्यवहार झाला आहे. मात्र अनेक शेतकऱ्यांच्या खात्यात अद्याप रक्कम जमा झालेली नसल्याची माहिती आहे. त्यामुळे धान विक्री केलेल्या शेतकऱ्यांसह विक्रीच्या प्रतीक्षेत असलेल्या शेतकऱ्यांमध्येही नाराजी वाढत आहे. अशातच उद्दिष्टवाढीचा निर्णय तातडीने न झाल्यास रब्बी हंगामातील हजारो शेतकरी हमीभावापासून वंचित राहण्याची शक्यता व्यक्त होत आहे..Wheat Procurement : गव्हाच्या सरकारी खरेदीत नवा उच्चांक; ३४९ लाख टन धान्याची खरेदी.मका खरेदीची संथ गतीदरम्यान, जिल्हा मार्केटिंग फेडरेशनला मका खरेदीसाठी १७० केंद्रांना मंजुरी मिळाली असली तरी प्रत्यक्षात केवळ ७ केंद्रांवर खरेदी सुरू आहे. मका विक्रीसाठी ३,६२० शेतकऱ्यांनी नोंदणी केली असून त्यापैकी केवळ ५७८ शेतकऱ्यांनी ३० हजार क्विंटल मका विकला आहे. त्यामुळे मका उत्पादक शेतकरीही खरेदी प्रक्रियेतील विलंबामुळे अडचणीत सापडले आहेत..रब्बी धान खरेदी : एका नजरेतखरेदी उद्दिष्ट : २३.१२ लाख क्विंटलआतापर्यंत खरेदी : २१.४० लाख क्विंटलनोंदणीकृत शेतकरी : ७७,६२०धान विक्री केलेले शेतकरी : ४७,२५०प्रतीक्षेत असलेले शेतकरी : ३०,००० पेक्षा अधिकलागवड क्षेत्र : ७८ हजार हेक्टरखरेदी मूल्य : ४७५ कोटी रुपये.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
