Gondia News: धानाचे पारंपरिक पीक असलेल्या गोंदिया जिल्ह्यात यंदा तब्बल ७५७० हेक्टर क्षेत्रावर मका पिकाची लागवड करण्यात आली असून, धानाला पर्याय म्हणून शेतकऱ्यांचा या पिकाकडे वाढता कल आहे. उत्पादन खर्च तुलनेने कमी, कमी कालावधीत येणारे पीक आणि बाजारात स्थिर मागणी यामुळे मक्याला शेतकऱ्यांची पसंती असल्याचे सांगितले जाते. .पूर्वी जिल्ह्यातील बहुतांश शेती धानावर अवलंबून होती. मात्र वाढता खर्च, मजूर टंचाई आणि हवामानातील बदल यामुळे धानाचे उत्पादन तोट्याचे ठरत असल्याने कृषी विभागाच्या मार्गदर्शनाने शेतकरी आता पीक पद्धतीत बदल करत आहेत..Maize Cultivation: बुलडाणा जिल्ह्यात रब्बी मक्याची विक्रमी लागवड.सुधारित बियाणे, सिंचन सुविधा आणि बाजारपेठेतील मागणी याचा फायदा घेत मक्याची लागवड मोठ्या प्रमाणावर वाढली आहे. विशेष म्हणजे सडक-अर्जुनी तालुक्यात मका लागवड सर्वाधिक वेगाने वाढली असून शेतकऱ्यांनी धानाऐवजी मोठ्या प्रमाणावर मका पीक स्वीकारले आहे. अर्जुनी-मोरगाव तालुक्यातही लक्षणीय वाढ नोंदविण्यात आली आहे..Maize Cultivation: अहिल्यानगरला मक्याचे क्षेत्र तेरा हजार हेक्टरने वाढले.आरोग्यदृष्ट्याही फायदेशीर पीकमका हे उर्जादायी धान्य असून त्यात कार्बोहायड्रेट्स, फायबर, जीवनसत्त्वे आणि खनिजे मुबलक प्रमाणात असतात. पशुखाद्य उद्योगातही मोठ्या प्रमाणावर मागणी असल्याने शेतकऱ्यांना हमखास बाजार मिळत आहे..धानाच्या एकाधिकार शेतीतून बाहेर पडत जिल्ह्यातील शेतकरी आता विविध पिकांकडे वळताना दिसत असून, मका हे त्यातील प्रमुख पीक बनत आहे. येत्या काळात योग्य बाजारव्यवस्था आणि दर स्थिर राहिल्यास गोंदिया जिल्ह्यात मका उत्पादनाचे स्वतंत्र केंद्र उभे राहण्याची शक्यता कृषी तज्ज्ञ व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
