Sugarcane Farmers Bills: सोलापूरच्या धोत्री येथील गोकुळ शुगर कारखान्याच्या थकीत ऊसबिलांचा प्रश्न अखेर मार्गी लागण्यास सुरुवात झाली आहे. कारखान्याकडून आतापर्यंत सुमारे दोन हजार शेतकऱ्यांना ऊसबिलांचे धनादेश वितरित करण्यात आले असून, त्यांच्या खात्यांवर ही रक्कम जमाही झाली आहे. .आतापर्यंत एकूण ३२ कोटी रुपयांचे ऊसबिल शेतकऱ्यांना देण्यात आले असून, उर्वरित शेतकऱ्यांनाही येत्या आठवडाभरात त्यांची रक्कम अदा केली जाणार आहे. गोकुळ शुगरकडून सोलापूर आणि धाराशिव जिल्ह्यातील शेतकऱ्यांची ऊसबिले गेल्या दोन वर्षांपासून थकीत होती..Sugarcane Payments Pending: सोलापूर जिल्ह्यात तब्बल ३९२ कोटींची ऊसबिले थकीत .या थकीत बिलांविरोधात शेतकऱ्यांनी गेल्या महिन्यात तीव्र आंदोलन छेडले होते, ज्याची दखल राज्यस्तरावर घेण्यात आली. यानंतर आमदार सचिन कल्याणशेट्टी यांनी मध्यस्थी करत तोडगा काढण्यासाठी पुढाकार घेतला. तसेच जिल्हाधिकारी आणि दक्षिण सोलापूरचे तहसीलदार किरण जमदाडे यांनीही शेतकऱ्यांना थकीत रक्कम मिळवून देण्यासाठी विशेष प्रयत्न केले..Sugarcane Payment Issue: ‘गोकुळ शुगर’च्या थकीत ऊसबिलांसाठी उद्या कल्याणशेट्टी यांच्या घरासमोर ठिय्या.कारखान्याकडून चालू वर्षातील ५० कोटी रुपये आणि गतवर्षीच्या हंगामातील जवळपास २ कोटी रुपये थकवण्यात आले होते. सध्या ही रक्कम देण्याची प्रक्रिया वेगाने सुरू असून दररोज जवळपास २०० शेतकऱ्यांना धनादेशांचे वाटप केले जात आहे. चालू वर्षातील थकीत ऊसबिल दिल्यानंतर गतवर्षीच्या रकमा दिल्या जाणार आहेत..आतापर्यंत ज्या शेतकऱ्यांना धनादेश देण्यात आले आहेत, त्यांच्या खात्यांमध्ये रक्कम जमा झाली आहे. उर्वरित शेतकऱ्यांची ऊसबिले अदा करण्याची प्रक्रिया सुरू आहे. मागील हंगामातील थकीत रक्कमही पुढील आठवड्यात दिली जाईल.ॲड. अमोल पाटील, नेते, गोकुळ शुगर संघर्ष समिती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
