Satej Patil Gokul Protest:गोकुळ दूध संघावर पाच शासननियुक्त सदस्य (४ जणांना मतदानाचा अधिकार) नेमण्याच्या सरकारच्या निर्णयाविरुद्ध आता रस्त्यावरची लढाई सुरु झाली आहे. कोल्हापूर शहरात आज (दि.९ नोव्हेंबर) काँग्रेस आमदार सतेज पाटील यांच्या नेतृत्त्वात संघर्ष मोर्चा काढण्यात येत आहे. त्यासाठी दसरा चौकात मोठ्या संख्येने दूध उत्पादक शेतकरी एकवटले आहेत. बैल, गायी म्हैशींसह दूध उत्पादक शेतकरी मोर्चात सहभागी झाले आहेत. दसरा चौक ते जिल्हाधिकारी कार्यालयापर्यंत हा मोर्चा निघेल..या मोर्चाच्या पार्श्वभूमीवर लक्षवेधी बॅनर्स झळकले आहेत. 'कोल्हापुरी बाणा...सत्तेसाठी रडीचा डाव खेळणाऱ्यांना पायतान हाणा..!' 'सहकाराच्या जोरावर लोकशाही संपवता येत नाही', 'गोकुळवर राजकीय सावट नको', 'लोकशाहीला भावपूर्ण श्रद्धांजली', अशा आशयाच्या बॅनर्समधून सरकारला चिमटे काढण्यात आले आहेत. तसेच मोर्चात सुमारे २० फूट उंचीचे कोल्हापुरी चप्पल (पायतान) आणण्यात आले आहे. .Gokul Politics: 'गोकुळ'च्या सत्तासमीकरणात बदल? शासननियुक्त ४ सदस्यांना मतदानाचा अधिकार, अध्यादेश नेमका काय आहे?.'मला पण स्वीकृत संचालक म्हणून घ्या', असा एक फलक म्हैशीच्या गळ्यात पाहायला मिळाला. गोकुळ आमच्या हक्काचे, नाही कुणाच्या बापाचे, अशा जोरदार घोषणा देण्यात येत आहेत. हातात नांगर घेऊन एक शेतकरी या मोर्चात सहभागी झाला आहे. या मोर्चाच्या पार्श्वभूमीवर शहरात कडक पोलीस बंदोबस्त ठेवण्यात आला आहे. .Gokul Dairy Politics: सहकाराच्या गळ्याला नख.गोकुळमध्ये कोल्हापूरकरांनी दिलेला मतदानाचा कौल बाजूला ठेवून नवे चार संचालक अध्यादेशाच्या माध्यमातून नेमून त्यांना मतदानाचा हक्क देण्यात आला आहे. कोल्हापुरातील जनतेने दिलेला कौल बाजूला ठेवण्याचा काम राज्य शासनाने केले आहे. याच्या विरोधात न्यायालयीन लढाई आम्ही लढत आहोत. पण आता रस्त्यावरची लढाई लढत आहोत. त्यासाठी कोल्हापूरमधील संघर्ष मोर्चात सहभागी होण्याचे आवाहन सतेज पाटील यांनी केले होते. त्यांच्या आवाहनाला प्रतिसाद देत हजारोंच्या संख्येने दूध उत्पादक सहभागी झाले आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
