Gokul Sangharsh Morcha: गोकुळ दूध संघावर शासननियुक्त सदस्यांच्या नियुक्तीच्या विरोधात आज (दि. ९ नोव्हेंबर) कोल्हापुरात काँग्रेस आमदार सतेज पाटील यांनी जोरदार शक्तीप्रदर्शन केले. त्यांच्या नेतृत्त्वात संघर्ष मोर्चा आज जिल्हाधिकारी कार्यालयावर धडकला. या मोर्चात दूध उत्पादक शेतकरी मोठ्या संख्येने गाय, बैल, म्हैशींसह सहभागी झाले. दसरा चौक ते जिल्हाधिकारी कार्यालयापर्यंत संपूर्ण रस्ता आंदोलकांनी भरून गेला. या मोर्चात महाविकास आघाडीच्या नेत्यांसह स्वाभिमानी शेतकरी संघटनेचे नेते राजू शेट्टी यांचाही सहभाग होता. .'गोकुळ टिकण्यासाठी आणि लोकशाही वाचवण्यासाठी' हा मोर्चा असल्याचे सतेज पाटील यांनी म्हटले आहे. 'गोकुळ वाचवा, लोकशाही टिकवा,' असे बॅनर्स मोर्चामध्ये झळकले. कोल्हापुरी पायतान, काळ झेंडे या मोर्चात पाहायला मिळाले. गोकुळ दूध संघ अध्यक्ष निवडीवरून पेच निर्माण झाला आहे. यावरुन सुरू असलेला संघर्ष आज रस्त्यावर उतरला. हा मोर्चा जिल्हाधिकारी कार्यालयाजवळ पोहोचल्यानंतर तेथे सभा झाली. यावेळी कोल्हापूरचे खासदार श्रीमंत शाहू महाराज छत्रपती, सांगलीचे खासदार विशाल पाटील, आमदार जयंत पाटील, विश्वजित कदम आणि इतर नेते उपस्थित होते. .Gokul Sangharsh Morcha: 'सत्तेसाठी रडीचा डाव खेळणाऱ्यांना पायतान हाणा..!' 'गोकुळ'साठी कोल्हापूरमधील संघर्ष मोर्चात झळकले बॅनर्स .गोकुळ निवडणुकीत २५ पैकी १३ जागा समविचारी आघाडीने जिंकल्या. तर महायुतीला १२ जागा मिळाल्या. सतेज पाटील यांच्या नेतृत्त्वाखालील समविचारी आघाडीकडे बहुमत असतानादेखील सभेच्या कोरमअभावी त्यांच्या गटाचा अध्यक्ष होऊ शकलेला नाही. अध्यक्ष निवडीच्या सभेला १४ संचालकांची उपस्थिती आवश्यक आहे. या पार्श्वभूमीवर राज्य सरकारने अध्यादेश काढून ५०० कोटींहून अधिक वार्षिक उलाढाल असलेल्या सहकारी संस्थांवर शासन नामनिर्देशित पाच सदस्यांची नियुक्तीचा निर्णय घेतला आहे. यातील चार सदस्यांना अध्यक्ष निवडीत मतदानाचा अधिकार देण्यात आला आहे. सरकारच्या या निर्णयाविरोधात सतेज पाटील यांनी आक्रमक भूमिका घेतली आहे. त्यांनी आज कोल्हापुरात विराट मोर्चा काढून त्यांची ताकद दाखवून दिली. .Gokul Politics: 'गोकुळ'च्या सत्तासमीकरणात बदल? शासननियुक्त ४ सदस्यांना मतदानाचा अधिकार, अध्यादेश नेमका काय आहे?.गोकुळ प्रश्नी कोल्हापुरात निघालेल्या मोर्चाला किसान सभेने पाठिंबा दर्शवला आहे. गोकुळ, सहकार व लोकशाही वाचविण्याच्या लढाईत किसान सभा सहभागी असल्याचे अजित नवले यांनी म्हटले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
