'गोकुळ'च्या डिबेंचर कपातीवरुन कोल्हापुरातील राजकारण तापलेदूध संस्था आणि दूध उत्पादक आक्रमक गायी, म्हैशींना सोबत घेऊन 'गोकुळ'च्या कार्यालावर मोर्चा धडकलाशौमिका महाडिक यांनी मांडली दूध उत्पादक शेतकऱ्यांची व्यथा .Gokul Politics Kolhapur : कोल्हापूर जिल्हा दूध उत्पादक संघाने (गोकुळ) १३६ कोटींच्या दूध दर फरकातून केलेल्या डिबेंचर कपातीवरुन राजकारण तापले आहे. या मुद्यावरुन, दूध संस्था आणि दूध उत्पादक आक्रमक झाले असून त्यांचा मोर्चा गुरुवारी (दि.१६) कोल्हापुरातील गोकुळ कार्यालयावर धडकला. दूध उत्पादक शेतकरी गायी, म्हैशींना सोबत घेऊन या मोर्चात सहभागी झाले होते. 'गोकुळ'ने डिबेंचर म्हणून कपात केलेली ४५ टक्के रक्कम दूध संस्थांना परत करावी, अशी मागणी दूध उत्पादकांनी केली आहे. दरम्यान, आजच्या मोर्चादरम्यान, आंदोलक आणि पोलिसांमध्ये धक्काबुक्की झाल्याचे दिसून आले. .या मोर्चात 'गोकुळ'च्या संचालिका शौमिका महाडिक (Shoumika Mahadik) सहभागी झाल्या होत्या. यावेळी त्यांनी पत्रकारांशी बोलताना, दूध उत्पादक शेतकऱ्यांची व्यथा मांडली. ''शेतकरी संवेदनशील आहेत. त्यांच्या भावना समजून घ्या. दिवाळी तोंडावर आहे. त्याला जास्त थोडे पैसे दिले तर चांगले होईल. येथे शेतकरी, संस्था प्रतिनिधी आणि शेतकऱ्यांना पाठिंबा देणारे लोक आले आहेत. येथे कोणतीही धक्काबुक्की झालेली नाही. जनावरे बाजूला करताना थोडे फार काही झाले असेल,'' असे शौमिका महाडिक म्हणाल्या. .Gokul Dudh Utpadak Morcha: 'गोकुळ'वर धडकला दूध उत्पादकांचा जनावरांसह मोर्चा, डिबेंचर कपातीवरुन मुश्रीफ विरुद्ध महाडिक संघर्ष वाढला.डिबेंचर कपातीच्या मुद्यावर गेल्या १२ दिवसांत एकही बैठक झालेली नाही. याच्यावर केवळ तांत्रिक गोष्टी सांगितल्या जातात. चार प्रतिनिधी बोलावून यावर सुवर्णमध्य काढणे गरजेचे असल्याचे मत त्यांनी व्यक्त केले. .Gokul Dudh Sangh : 'गोकुळ'वर दूध संस्था संतप्त! एकीकडे १३६ कोटींचा दर फरक जाहीर, दुसरीकडे ४० टक्के डिबेंचर कपात? दूध उत्पादकांना फटका.'गोकुळ'ने नुकताच दूध उत्पादकांसाठी १३६ कोटींचा दर फरक जाहीर केला. पण या फरक बिलातून कोणतीही पूर्वकल्पना न देता ४५ टक्के रक्कम डिबेंचर म्हणून कपात केल्याने दूध संस्थांनी तीव्र नाराजी व्यक्त केली आहे. यावरुन याआधी 'गोकुळ'च्या व्यवस्थापकीय संचालकांना घेरावही घातला होता. .याप्रश्नी दूध संस्थांच्या प्रतिनिधींनी शौमिका महाडिक यांची भेट घेतली होती. त्यानंतर महाडिक यांनी सभासदांना बरोबर घेऊन 'गोकुळ'चे कार्यकारी संचालक डॉ. योगेश गोडबोले यांच्याशी चर्चा केली होती. यावेळी सभासद आक्रमक संतप्त झाल्याचे दिसून आले होते. आज पुन्हा दूध उत्पादक जनावरांसह गोकुळच्या कार्यालयावर धडकले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.