डिबेंचर कपातीच्या मुद्यावरुन गोकुळ कार्यालयावर काढलेला मोर्चा मुश्रीफ यांच्या जिव्हारी मुश्रीफ म्हणाले, 'हा मोर्चा आमच्या काळजाला ठेच देणारा होता''सासऱ्यांनीच सुरू केले डिबेंचर, त्याविरोधात सुनेचा मोर्चा''डिबेंचर'चा मुद्दा कायमस्वरुपी बंद होणार .Gokul Politics Kolhapur Hasan Mushrif: डिबेंचर कपातीच्या निर्णयाविरोधात कोल्हापूर जिल्हा दूध उत्पादक संघाच्या (गोकुळ) कार्यालयावर गुरुवारी दूध संस्था आणि दूध उत्पादकांनी म्हैशी, गायीसंह मोर्चा काढला. या मोर्चाचे नेतृत्व 'गोकुळ'च्या संचालिका शौमिका महाडिक (Shoumika Mahadik) यांनी केले होते. यामुळे कोल्हापुरात महाडिक विरुद्ध मुश्रीफ असा संघर्ष पाहायला मिळाला. 'शेतकऱ्यांच्या भावना समजून घ्या, दिवाळी तोंडावर असून त्याला थोडे जास्त पैसे दिले चांगले होईल.' अशी भूमिका शौमिका महाडिक यांनी मोर्चावेळी मांडली. पण गोकुळ कार्यालयावर काढलेला हा मोर्चा मुश्रीफ यांच्या जिव्हारी लागला. तसे त्यांनी बोलूनही दाखवले. 'हा मोर्चा आमच्या काळजाला ठेच देणारा होता', अशी प्रतिक्रिया हसन मुश्रीफ यांनी व्यक्त केली..'ज्यांच्या सासऱ्यांच्या हातात तीस-पस्तीस वर्षे सत्ता...' ‘ज्यांच्या सासऱ्यांच्या हातात तीस-पस्तीस वर्षे सत्ता होती, त्यांच्या काळातच डिबेंचर कपात सुरू झाली आणि आता त्यांच्याच नेतृत्वाखाली आता डिबेंचर निर्णयाविरोधात मोर्चा काढला जातो. या मोर्चात दोन-तीन माजी संचालकही सहभागी झाले होते, त्यांच्याही काळातही डिबेंचर कपात केली होती. त्यामुळे अशा ढोंगी माणसांना लोक चांगलेच ओळखतात’, असे प्रत्युत्तर हसन मुश्रीफ यांनी शौमिका महाडिक यांचे नाव न घेता दिले. गोकुळ दूध संघात वसुबारसनिमित्त कार्यक्रमाचे आयोजन केले होते. त्यावेळी त्यांनी 'गोकुळ'वर आलेल्या मोर्चावरुन महाडिकांवर पलटवार केला..Gokul Dudh Dar: 'गोकुळ'कडून म्हैस, गायीच्या दूध खरेदी दरात १ रुपयाने वाढ, पशुखाद्य दरात ५० रुपयांची कपात.'डिबेंचर'चा मुद्दा कायमस्वरुपी बंद होणार 'गोकुळ'ला यावर्षी सर्वाधिक चांगला फायदा झाल्याचे त्यांनी नमूद केले. 'दूध संघ सध्या डिबेंचरवर ७.८ टक्के व्याज देत आहे. जे शेअर्समध्ये रुपांतर झाले आहेत, त्यांना ११ टक्के व्याज मिळत आहे. त्यामुळे कोणत्याही प्रकारचे गैरसमज निर्माण करुन दूध उत्पादकांमध्ये संभ्रम निर्माण करण्याचे प्रयत्न करु नये. या विषयावर संघाने पूर्ण पारदर्शकता ठेवली आहे. संघामार्फत सर्व दूध संस्थांना विश्वासात घेऊन, त्यांचे अभिप्राय जाणून घेण्यासाठी आणि या विषयाचा तज्ज्ञ समितीकडून अभ्यास करुन एक सविस्तर अहवाल तयार करण्याचे काम सुरु आहे. यानंतर हा विषय कायमस्वरुपी बंद करण्यासाठी योग्य त्या उपाययोजना केल्या जातील, असे मुश्रीफ यांनी म्हटले आहे. .Gokul Dudh Utpadak Morcha: 'गोकुळ'वर धडकला दूध उत्पादकांचा जनावरांसह मोर्चा, डिबेंचर कपातीवरुन मुश्रीफ विरुद्ध महाडिक संघर्ष वाढला.आपले उदिष्ट्य 'गोकुळ'चे दूध संकलन २५ लाख लिटरवर नेणे हे असले पाहिजे. विशेषतः शेतमजूर आणि अल्पभूधारक उत्पादकांना अधिक प्रोत्साहन देऊन संकलन वाढविण्यासाठी सर्वांनी एकत्रित प्रयत्न करावेत, असे आवाहन त्यांनी केले. .सतेज पाटील काय म्हणाले?आमदार सतेज पाटील म्हणाले की, 'गोकुळ'ने गेल्या साडेचार वर्षात पारदर्शक कारभार ठेवत शेतकरी हिताचे निर्णय घेतले आहेत. दूध दरवाढ, पशुखाद्य अनुदान, संस्थेचे मार्जिन वाढविणे हे सर्व निर्णय शेतकऱ्यांसाठी घेतले आहेत. डिबेंचरसह सर्व विषयांवर समन्वय साधून कायमस्वरुपी तोडगा काढला जाईल, असेही त्यांनी नमूद केले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
