Gokul Mhais Kharedi Kendra: कोल्हापूर जिल्हा सहकारी दूध उत्पादक संघ (गोकुळ) आणि एनडीडीबी डेअरी सर्व्हिसेस यांच्या संयुक्त विद्यमाने जातिवंत मुऱ्हा, सुधारित मुऱ्हा, मेहसाणा आणि जाफराबादी म्हैशी विक्री केंद्रे सुरु करण्यात आली आहेत. कोल्हापूर जिल्ह्यातील केर्ली (ता. करवीर) आणि लिंगनूर कसबा, नूल (ता. गडहिंग्लज) येथे ही केंद्रे आहेत. ज्या दूध उत्पादक शेतकऱ्यांना हरियाणा, गुजरात, पंजाब येथे म्हैस खरेदीसाठी जाणे शक्य नाही, त्यांना या केंद्रातून म्हैशी खरेदी करता येणार आहेत. या केंद्रातून म्हैस खरेदी केल्यानंतर दूध उत्पादक शेतकऱ्यांना ४० हजार रुपयांपर्यंत अनुदान दिले जाते, असे 'गोकुळ'कडून सांगण्यात आले आहे..सदर केंद्रातून म्हैस खरेदी केल्यास तातडीचा वाहतूक खर्च म्हणून ५ हजार रुपये दिले जातात. तसेच म्हैस खरेदी करुन शेतकऱ्यांच्या गोठ्यात आल्यानंतर ती पुन्हा गाभण जाऊन व्याल्यानंतर १५ हजार रुपये दिले जातील. तर बाकीची शिल्लक २० हजार रुपये रक्कम तीन वर्षे पूर्ण झाल्यानंतर दिली जाईल. असे एकूण ४० हजार रुपय अनुदान उत्पादक शेतकऱ्यांना दिले जाणार आहेत. त्यासाठी दूध संस्थेमार्फत आणलेला प्रस्ताव उत्पादकांना सादर करावा लागेल, असे 'गोकुळ'कडून सांगण्यात आले आहे..Gokul Dudh Dar: 'गोकुळ'कडून म्हैस, गायीच्या दूध खरेदी दरात १ रुपयाने वाढ, पशुखाद्य दरात ५० रुपयांची कपात.म्हैशींचा दर काय?म्हैस खरेदी करण्यापूर्वी उत्पादकांनी प्रत्यक्ष म्हैस आणि दुधाची खात्री करावी लागणार आहे. येथील जातिवंत मुऱ्हा म्हैशीचा दर १ लाख २४ हजार (८ ते १० लिटर दूध) ते १ लाख ४४ हजार रुपयांपर्यंत (१५ ते १६ लिटर दूध) आहे. तर सुधारित मुऱ्हा म्हैशीचा दर १ लाख १ हजार ते १ लाख १५ हजार रुपयांपर्यंत आहे.मेहसाणा म्हैशीचा दर १ लाख १२ हजार (८ ते १० लिटर दूध) ते १ लाख २६ हजार रुपयांपर्यंत (१३ ते १४ लिटर) आहे. तर जाफराबादी म्हैशीचा दर १ लाख २८ हजार (८ ते १० लिटर) ते १ लाख ४८ हजार रुपयांपर्यंत (१५ ते १६ लिटर) आहे..Murrah Buffalo: खरी मुऱ्हा म्हैस कशी ओळखावी?.खरेदीची प्रक्रिया कशी आहे?गोकुळ आणि एनडीडीबी यांच्या संयुक्त विद्यमानाने उभारलेल्या जातिवंत म्हैस विक्री केंद्रातून म्हैस खरेदी केल्यास एकूण ४० हजार रुपयांपर्यंत अनुदान मिळणार आहे. तसेच परराज्यातून जातिवंत म्हैस खरेदी केल्यास ५० हजार रुपयांपर्यंत अनुदान संघामार्फत दिले जाते. पण 'गोकुळ'ने परराज्यांतील म्हैशी कोल्हापूर जिल्ह्यातील केंद्रावर उपलब्ध केल्या आहेत. येथून म्हैस खरेदी करण्यासाठी दूध संस्थेच्या लेटरहेडवर उत्पादकांची नावे लिहून संस्थेला कार्यकारी संचालकांची पूर्व मंजुरी घेणे आवश्यक आहे. त्याची प्रत संकलन आणि पशूसंवर्धन विभागाकडे सादर करुन म्हैस खरेदी लागणार आहे. .गोकुळचा दूध खरेदी किती आहे?'गोकुळ'ने नुकतीच गाय आणि म्हैशीच्या दूध खरेदी दरामध्ये प्रतिलिटर १ रुपयाची वाढ केली होती. म्हैस दूध दर प्रतिलिटर ५१.५० रुपयांवरून ५२.५० रुपये करण्यात आला. तर गाय दूध दर ३३ रुपयांवरून ३४ रुपये केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
