Kolhapur News : जिल्हा सहकारी दूध उत्पादक संघाने (गोकुळ) म्हैस व गाय दूध खरेदी दरात प्रतिलिटर एक रुपयाने वाढ करून सभासदांना गणेशोत्सवाची भेट दिली. ही दरवाढ सोमवारपासून (ता. १) लागू झाली आहे. .याशिवाय संस्था इमारत अनुदानात आणि दूध संस्था कर्मचारी प्रोत्साहनातदेखील वाढ करण्यात आली आहे. विशेष म्हणजे मुक्त गोठा अनुदान योजनेसाठी पाचऐवजी चार जनावरांनाही लाभ देण्याचा निर्णय घेतल्याची माहिती अध्यक्ष नविद मुश्रीफ यांनी दिली..Amul Milk Rate : अमूलच्या दूध विक्री दरात २ रुपयांची वाढ; उत्पादन खर्च वाढल्याने केली दरात वाढ.श्री. मुश्रीफ म्हणाले, ‘‘म्हैस दूध खरेदी दर ६.० फॅट व ९.० एस.एन.एफ.साठी प्रतिलिटर रुपये ५०.५० वरून ५१.५० रुपये करण्यात आला आहे. तसेच ६.५ फॅट व ९.० एस.एन.एफ.साठी प्रतिलिटर रुपये ५४.८० वरून रुपये ५५.८० करण्यात आला आहे. .गाय दुधामध्ये ३.५ फॅट व ८.५ एस.एन.एफ.साठी प्रतिलिटर ३२ वरून ३३ रुपये केला आहे. या दर वाढीमुळे गोकुळच्या म्हैस व गाय दूध उत्पादकांना महिन्याकाठी सुमारे साडेचार ते पाच कोटींचा जादा परतावा मिळणार आहे.’’.Milk Procurement Rate: दूध खरेदीदरात घसरणीने शेतकऱ्यांची आर्थिक कोंडी.ते म्हणाले, की सध्या इमारत बांधकामासाठी लागणारे साहित्य दर आणि मजुरांचे पगार वाढलेले आहेत. त्यामुळे दूध संस्थेच्या संकलनानुसार अनुदान रकमेत ८ ते १० हजार रुपयांची वाढ केली आहे. याबरोबरच संस्था कर्मचाऱ्यांच्या पगारासाठी प्रोत्साहनपर जादा दर प्रतिलिटर पाच पैशांची वाढ केली आहे..ती प्रतिलिटर ०.६५ पैसेऐवजी ०.७० पैसे अशी असेल. याचा सुमारे तीन कोटी रुपये वार्षिक आर्थिक भार संघावर पडणार आहे. मुक्त गोठा अनुदान योजनेत यापूर्वी किमान पाच जनावरांपर्यंत असणाऱ्या गोठ्यांनाच अनुदान दिले जात होते. आता चार जनावरे असलेल्या मुक्त गोठ्यालही अनुदान दिले जाणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
