'गोकुळ'च्या डिबेंचर रक्कम कपातीला जोरदार विरोध कोल्हापूर जिल्हा दूध उत्पादक संघटनेचे गोकुळ दूध संघाच्या कार्यालयासमोर उपोषणडिबेंचर म्हणून कपात केलेली रक्कम दूध संस्थांच्या खात्यावर पुन्हा वर्ग करण्याची मागणी.Gokul Dudh Sangh Debenture Deduction Issue: कोल्हापूर जिल्हा दूध उत्पादक संघाने (गोकुळ) डिबेंचर म्हणून कपात केलेली रक्कम दूध संस्थांच्या खात्यावर पुन्हा वर्ग करावी, या प्रमुख मागणीसाठी आज शुक्रवारी शेतकरी संघटना आणि कोल्हापूर जिल्हा दूध उत्पादक संघटनेने कोल्हापुरातील (Kolhapur) गोकुळ दूध संघाच्या कार्यालयासमोर उपोषण केले. यावेळी संघटनेचे अध्यक्ष ज्योतिराम घोडके यांच्यासह दूध उत्पादक उपस्थित होते..'गोकुळ'ने ४० टक्क्यांहून अधिक रक्कम डिबेंचर म्हणून कपात केल्याने दूध संस्थांनी नाराजी व्यक्त केली आहे. यामुळे दूध संस्थांना सभासदांना दूध दरक वाटप करताना आर्थिक अडचणी येत आहेत. 'गोकुळ'च्या या निर्णयाविरोधात आता दूध उत्पादकदेखील रस्त्यावर उतरले आहेत. .Gokul Dudh Sangh: 'डिबेंचर'चा मुद्दा; दूध उत्पादक आक्रमक,...तर गोकुळ दूध संघाला शनिवारपासून दूध पुरवठा थांबवणार?.आज जिल्हा दूध उत्पादक संघटेनेने कोल्हापुरातील 'गोकुळ'च्या कार्यालयासमोर एक दिवसीय उपोषण केले. डिबेंचर म्हणून कपात केलेली रक्कम दूध संस्थांच्या नावावर पुन्हा वर्ग करावी. ही रक्कम संस्थांना देता येत नसेल तर ती जिल्ह्यातील दूध उत्पादकांना द्यावी, जेणेकरुन त्यांना आणखी जनावरे विकत घेण्यास मदत होईल, अशी मागणी घोडके यांनी केली आहे..गायीच्या खरेदी दरात केलेली ७ रुपये कपात रद्द करावी. गायीच्या खरेदी दरात १० रुपये वाढ करावी, अशीही मागणीही त्यांनी केली आहे. या मागण्यांचा गांभीर्याने विचार केला नाही तर तीव्र आंदोलन करु, असा इशारा त्यांनी दिला आहे. .Gokul Dudh Sangh : 'गोकुळ'वर दूध संस्था संतप्त! एकीकडे १३६ कोटींचा दर फरक जाहीर, दुसरीकडे ४० टक्के डिबेंचर कपात? दूध उत्पादकांना फटका.कोणत्याही दूध संस्थेची ४० टक्के डिबेंचर कपात केली नसल्याचे 'गोकुळ'चे म्हणणे आहे. दूध संघाकडून १९९३ पासूनच संस्थांना डिबेंचर्स दिले जात आहे. संस्था सक्षम व्हाव्यात आणि त्यांना आर्थिक स्थैर्य मिळावे यासाठी ही योजना राबविली जात आहे. आर्थिक वर्ष २०२४-२५ मध्ये संस्थांना प्रति लिटर सरासरी १.२५ रुपयाप्रमाणे डिबेंचर्स दिले आहेत. डिबेंचर्स आणि दर फरकाची सर्व माहिती ७ ऑगस्ट २०२५ रोजीच्या खाते उताऱ्यातून संस्थांना दिली आहे. तसेच डिबेंचर्स स्वरूपात निधी उभा करण्यासाठी संघाने वार्षिक सर्वसाधारण सभेची आणि शासनाची मंजुरी घेतली असल्याचा खुलासा 'गोकुळ'कडून करण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.