Rajesh Patil Elected Gokul Chairman: कोल्हापूर जिल्हा दूध उत्पादक संघावर (गोकुळ) अखेर महायुतीने सत्ता मिळवली आहे. गोकुळच्या अध्यक्षपदी अजित पवारांच्या राष्ट्रवादी काँग्रेसचे माजी आमदार राजेश पाटील यांची निवड झाली. त्यांनी १६ विरुद्ध १३ मतांनी विजय मिळवला. हा काँग्रेस आमदार सतेज पाटील यांच्यासाठी मोठा धक्का मानला जात आहे. .गोकुळ संघ अध्यक्षपदासाठी सतेज पाटील यांच्या राजर्षी शाहू शेतकरी समविचारी आघाडीचे संचालक शशिकांत पाटील-चुयेकर, तर महायुतीच्या छत्रपती शाहू शेतकरी विकास आघाडीचे संचालक राजेश पाटील यांच्यात लढत झाली. या अध्यक्षपदाच्या लढतीत शासननियुक्त चार संचालकांनी मतदान केले. यामुळे राजेश पाटील यांच्या विजयाचा मार्ग मोकळा झाला..Gokul Dairy Politics: ‘सहकार’वरच घाला!.गोकुळ अध्यक्ष निवडीसाठी सभा आज संस्थेच्या गोकुळ शिरगाव येथील प्रशासकीय इमारतीमध्ये अध्यासी अधिकारी मोसमी चौगुले यांच्या अध्यक्षतेखाली सर्व नियुक्त संचालकांच्या उपस्थितीत पार पडली..Gokul Chairman Election: 'गोकुळ'मध्ये आमचाच अध्यक्ष होईल; 'महायुती'च्या नेत्यांचा दावा.मतदान प्रक्रियाया सभेमध्ये नवनिर्वाचित संचालक अभिजीत तायशेटे, बयाजी शेळके, किसन चौगले यांनी शासननियुक्त चार संचालक सभेस उपस्थित असल्याबाबत आक्षेप घेतला. त्यावर अध्यासी अधिकाऱ्यांनी ९ नोव्हेंबर २०२६ रोजीचा उच्च न्यायालयाचा आदेश तसेच जिल्हा सहकारी निवडणूक अधिकारी आणि सरकारी अभियोक्ता यांचे उच्च न्यायालयाच्या आदेशावर स्पष्टीकरण दिले. शासननियुक्त संचालकांना आजच्या सभेस उपस्थित राहण्याबाबत नोटिसीद्वारे कळवण्यात आले होते, हे स्पष्ट केले, असे जारी केलेल्या निवेदनात म्हटले आहे. .अध्यक्षपदासाठी राजेश पाटील आणि शशिकांत पाटील- चुयेकर यांनी नामनिर्देशन दाखल केले. दोन उमेदवारांसाठी गुप्त मतदान पद्धतीने मतदान प्रक्रिया घेण्यात आली. उच्च न्यायालयाच्या (सर्किट बेंच) आदेशानुसार निवडून आलेले संचालक व शासननियुक्त संचालक यांनी नोंदवलेल्या मतांची स्वतंत्रपणे मतमोजणी करण्यात आली. याप्रमाणे एकूण २९ संचालकांपैकी राजेश पाटील यांना एकूण १६ मते तर शशिकांत पाटील-चुयेकर यांना १३ मते मिळाली. त्यानंतर अध्यासी अधिकाऱ्यांनी राजेश पाटील यांची गोकुळच्या अध्यक्षपदी निवड झाल्याचे जाहीर केले. .गेल्या काही दिवसांपासून कोरमच्या पोटनियमावरुन पेच निर्माण झाला होता. सतेज पाटील यांच्या नेतृत्त्वाखाली समविचारी आघाडीचे २५ पैकी १३ संचालक निवडून आले. तर महायुतीने १२ जागा जिंकल्या. पण अध्यक्ष निवडीचा कोरम पूर्ण करण्यासाठी १४ संचालकांची उपस्थिती आवश्यक होती. याआधी अध्यक्ष निवडीची सभा कोरमअभावी तहकूब झाली होती. त्यानंतर राज्य सरकारने अध्यादेश काढून शासननियुक्त चार संचालकांची निवड केली आणि त्यांना अध्यक्ष निवडीत मतदानाचा अधिकार दिला. त्यानंतर आज पार पडलेल्या अध्यक्ष निवडीत महायुतीच्या उमेदवाराने बाजी मारली. .'६३ वर्षांनंतर चंदगडला नेतृत्व मिळालं' अध्यक्ष निवडीनंतर राजेश पाटील यांनी प्रतिक्रिया दिली. ६३ वर्षांनंतर चंदगड सारख्या भागाला नेतृत्व मिळाले. येत्या काळात दूध उत्पादक शेतकऱ्यांच्या हिताचे निर्णय आम्ही घेऊ. सर्वांचे सहकार्य अपेक्षित आहे, अशी भावना त्यांनी व्यक्त केली. राजेश पाटील हे चंदगड विधानसभा मतदारसंघातील माजी आमदार आहेत. ते २०१९ मध्ये आमदार म्हणून निवडून आले होते. त्यांनी केडीसीसी बँकेचे संचालकपदही भूषविले आहे. .चार शासननियुक्त संचालक कोण?डॉ. प्रवीण हेंद्रे, शिवाजी आडनाईक, चार्टर्ड अकौटंट के. डी. पाटील आणि सांगलीचे अॅड. प्रशांत पाटोळे यांची गोकुळवर शासननियुक्त संचालक म्हणून निवड करण्यात आली. या चारही संचालकांनी आज झालेल्या अध्यक्ष निवडीत मतदान केले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
