Gokul Dairy Kolhapur News: कोल्हापूर जिल्हा सहकारी दूध उत्पादक संघ (गोकुळ) अध्यक्षपदी निवडीसाठी सभेच्या कोरमचा पेच कायम आहे. आजच्या (दि. २९ ऑक्टोबर) सभेस नवनिर्वाचित २५ संचालकांपैकी समविचारी आघाडीचे १३ संचालक उपस्थित राहिले. तर महायुतीचे १२ संचालक गैरहजर राहिल्याने सभा तहकूब करण्यात आली. यामुळे अध्यक्ष निवड लांबणीवर पडली आहे. सभेचा कोरम पूर्ण करण्यासाठी १४ संचालकांची उपस्थिती असणे आवश्यक आहे. .गोकुळ दूध संघाच्या अध्यक्ष निवडीसाठी नवनिर्वाचित संचालकांची पहिली सभा अध्यासी अधिकारी तथा करवीर उपविभागीय अधिकारी मोसमी चौगुले यांच्या अध्यक्षतेखाली सकाळी ११ वाजता संस्थेचे प्रधान कार्यालय गोकुळ शिरगाव येथे सुरू करण्यात आली. सदर सभेस २५ संचालकांपैकी १३ संचालक उपस्थित होते. तर १२ संचालक अनुपस्थित होते. संस्थेच्या उपविधीतील नियम १४ (५ अ) व (१२) तरतुदीनुसार सभेचे कामकाज चालविण्यासाठी १४ संचालकांची उपस्थिती असणे आवश्यक आहे. यामुळे कोरमअभावी अध्यक्ष निवडीची प्रक्रिया तहकूब केली असल्याचे सांगण्यात आले..Gokul Chairman Election: गोकुळ अध्यक्ष निवडीआधी सतेज पाटलांची मुश्रीफांशी चर्चा, 'महायुती'कडूनही हालचाली?.आजची सभा तहकूब केल्यानंतर, उपस्थित १३ संचालकांनी त्यांचे बहुमत असल्याने अध्यक्ष निवडीची कार्यवाही सुरू करण्यासाठी विनंती केली. तसे त्यांनी लेखी निवेदन दिले. पण त्यांचे निवेदन कारणांसह अमान्य करण्यात आले..'आम्ही काय सहकार्य करणार?' यावर मंत्री हसन मुश्रीफ यांनी नंदुरबार येथून बोलताना त्यांची भूमिका स्पष्ट केली. ''आम्ही काय सहकार्य करणार? आम्ही विरोधक आहोत,'' असे मुश्रीफ यांनी म्हटले. आज गोकुळ अध्यक्ष निवड होणार नाही. कारण त्यांच्याकडे १३ जणांचे बहुमत असले तरी सभेचा कोरम पूर्ण करण्यासाठी १४ जण उपस्थित असायला हवेत. जोपर्यंत १४ चा कोरम पूर्ण होत नाहीत; तोपर्यंत कायद्याने सभा होणार नाही. तर सतेज पाटील यांना लोकांचा जनादेश मिळवला असेल तर अध्यक्ष निवड करण्याची जबाबदारी त्यांची आहे. त्यामुळे आता यावर काय मार्ग निघतो? ते आपण पाहू. जोपर्यंत १४ आकडा पार करणार नाही तोपर्यंत बैठक होणार नाही, असे सूचक वक्तव्य त्यांनी केले..Gokul President Election: गोकुळ अध्यक्ष निवडीत कोरमचा पेच; राजकीय हालचालींना वेग, निवडून आलेले संचालक सहलीवर.गोकुळ दूध संघाची निवडणूक झाली. या निवडणुकीत भाजप, राष्ट्रवादी आणि शिंदे शिवेसना असे तीन मित्र पक्ष एकत्र लढलो. पण आमचे आणि भाजपमधील भांडण अनेक दिवस मिटले नाही. हे भांडण निवडणुकीपर्यंत न मिटल्याने एकसूत्रता राहिली नाही. त्यामुळे आमचा थोडा पराभव झाला, असे त्यांनी सांगितले..'त्यांनी जातीवादी प्रचार केला'; मुश्रीफांचा आरोप माझे दुःख एवढेच आहे की, माझा मुलगा यात पराभूत झाला. माझी चूक झाली की त्याला सर्वसाधारणमध्ये उभे करायला हवे होते. त्याला राखीवमध्ये उभे केले. यामुळे टार्गेट करण्यात आले. विशेषतः ज्या काँग्रेस पक्षाचे नेते म्हणून ते मिरवत आहेत; ते धर्मनिरपक्षतेचा आव आणत आहेत. त्यांनी जातीवादी प्रचार केला. हा माझा आक्षेप आहे, असा आरोप मंत्री मुश्रीफ यांनी केला. .'साडेपाच लाख शेतकऱ्यांनी आम्हाला जनादेश दिलाय'- सतेज पाटीलदरम्यान, काँग्रेसचे आमदार सतेज पाटील यांनी संचालकांना उपस्थित राहण्याची विनंती केली. साडेपाच लाख शेतकऱ्यांनी आम्हाला जनादेश दिलेला आहे. आमच्याकडे १३ जागांचे बहुमत आहे. आम्हाला अपेक्षा होती की, कोरमचा मुद्दा न करता आजच्या सभेला संचालकांनी उपस्थित राहावे. तिथे असणाऱ्या संचालकांशी माझे बोलणे झाले. त्यांची स्वतःची मानसिकता आहे की हे कुठे तरी थांबले पाहिजे. त्या संचालकांची बैठकीला येण्याची इच्छा आहे. पण नेते काय सांगतात यावर त्यांचा निर्णय अवलंबून आहे, असे सतेज पाटील म्हणाले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
