Jalgaon News: खानदेशात सिंचन प्रकल्पांची वानवा आहे. आजघडीला प्रकल्पांत जलसाठे ६४ टक्क्यांपेक्षा कमी आहेत. नदीमधील जलसाठ्याच्या आधारावर नदीकाठचे शिवार हिरवे असते. आता उष्णता वाढल्याने प्रमुख नद्या कोरड्याठाक पडल्या आहेत. यामुळे नदीकाठी काही दिवसातच टंचाई तयार होईल, अशी स्थिती आहे. गिरणा व तापी नदीतून नदीत टंचाई दूर करण्यासंबंधी आवर्तन सोडल्याने दिलासा मिळाला आहे. .नद्या कोरड्याठाक झालेल्या असतानाच रब्बी पिके, भाजीपाला, फळबागांसाठी सिंचनाची लगबग सतत सुरू आहे. ही लगबग सुरू असतानाच भूगर्भातील जलसाठा घटत आहे. तापी, गिरणा, पांझरा नदीतून वाळू उपसा भरमसाठ सुरू आहे. यामुळे नदीत पाणी मुरत नाही. पाणी वाहून जाते. नदीमधील मोठे डोह, वाळू उपशामुळे तयार झालेले मोठे खड्डे यात पाणी साचते, .Irrigation Water Issue: गाळामुळे गडहिंग्लजला पाटबंधारे लघू प्रकल्पातील साठा अल्प.त्याचा उपयोग नदीकाठच्या विहिरी, कूपनलिकांचे पुनर्भरण होण्यासाठी होतो. पण नदीमधील पाणी आटले आहे. गिरणा नदीत दोनदा पाणी सोडले आहे. पण नदीत पाणी थांबत नाही. तापी, अनेर व पांझरा नदीकाठीदेखील टंचाई तयार हईल, अशी स्थिती आहे. याचाही फटका शेतीला किंवा पिकांना बसण्याची स्थिती आहे..Rural Water Supply Plan: गावे, वाड्या-वस्त्यांना उन्हाळा होणार सुसह्य.सध्या खानदेशात टंचाई वाढलेली नाही. परंतु नद्यांत पाणी राहील्यास पशुधन, वन्यप्राणी यांच्यासाठी जलस्त्रोत उपलब्ध असतात. सातपुडालगत गूळ, अनेर नदीत पुढे दर महिन्यात पाणी सोडण्याची मागणीदेखील केली जात आहे..केळी, फळबागांना फटका शक्यनदीकाठी केळी, लिंबू, मोसंबी आदी बागा, भाजीपाला पिकेही आहेत. तसेच सध्या कापूस लागवडीची तयारी शेतकरी करीत आहेत. यामुळे नदीत तातडीने पाणी सोडण्याची मागणी केली जात आहे. तसेच नद्यांवर सार्वजनिक पाणीपुरवठा योजनांच्या विहिरी, कूपनलिका आहेत. त्यांच्या पुनर्भरणासाठीदेखील नदीत पाणी सोडण्याची गरज आहे. . गिरणा नदीतदेखील भडगाव, म्हसावद, एरंडोलातील सामूहिक पाणी योजनांचे स्त्रोत आहेत. यामुळे नदीत पाणी सोडून हे स्त्रोत बळकट करण्याची मागणी शेतकरी, ग्रामस्थ करीत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
