Irrigation Project: गिरणा नदीवर गेल्या ३० वर्षांपासून बंधाऱ्यांची मागणी होत आहे. २०१९ मध्ये सात बंधाऱ्यांना राज्य शासनाने प्रशासकीय मान्यता दिली होती. मात्र हे बंधारे तांत्रिकदृष्ट्या योग्य व आर्थिकदृष्ट्या परवडणारे नसल्याने त्यांच्या ऐवजी आता केटीवेअर बंधारे उभारण्याचा विचार सुरू असल्याचे सांगितले जात आहे. त्यामुळे शेतकऱ्यांमध्ये संभ्रम आणि नाराजी वाढली आहे..विविध परवानग्या आणि सुधारित प्रशासकीय मान्यतेच्या प्रक्रियेत हा प्रकल्प अडकून राहिला. अखेरीस तापी पाटबंधारे महामंडळाने हा प्रकल्प रद्द झाल्याचे स्पष्ट केले आहे. गिरणा नदीतून पावसाळ्यात वाहून जाणारे पाणी अडवण्यासाठी या बंधाऱ्यांची गरज व्यक्त केली जात होती. डिसेंबर २०१९ मध्ये सात बंधाऱ्यांना ७८१.३२ कोटी रुपयांची प्रशासकीय मान्यता मिळाली होती. तसेच केंद्रीय जलआयोग आणि नीती आयोगाकडूनही निधीसंदर्भात मान्यता मिळाली होती..Girna River : गिरणा परिसरातील सर्वच बंधारे तुडुंब.अट बदलल्याने घोळ२०१९ मध्ये युती शासनाने प्रकल्पाला मान्यता देताना संपूर्ण निधी केंद्र शासन देईल अशी अट होती. मात्र पर्यावरण मान्यता आणि गुंतवणूक प्रमाणपत्र प्रक्रियेत विलंब झाला. नंतर केंद्राने १०० टक्के निधी देण्यास असमर्थता दर्शवून राज्याच्या सहभागाची अट घालून प्रस्ताव परत पाठवला. त्यामुळे सुधारित प्रशासकीय मान्यता घेणे आवश्यक झाले. दरम्यान, राज्य शासनाने अपूर्ण प्रकल्प पूर्ण होईपर्यंत नवीन प्रकल्पांना मंजुरी न देण्याचे धोरण ठेवल्याने हे बंधारे रखडले..Girna River: ‘गिरणा’ ‘अनेर’ मधून रब्बी पिकांसाठी आवर्तन.या सात बंधाऱ्यांमुळे गिरणा नदीत सुमारे ७० किलोमीटरपर्यंत पाणी साठून राहिले असते आणि जळगाव जिल्ह्यातील पाणीटंचाई मोठ्या प्रमाणात कमी झाली असती. २०२० च्या पावसाळ्यात गिरणा नदीतून तब्बल ५,९२७ दलघमी पाणी वाहून गेले, जेवढ्या पाण्याने जिल्ह्यातील सर्व लहान-मोठे प्रकल्प तीन वेळा भरले असते. यंदाही दोन वेळा धरणे भरतील एवढे पाणी वाहून गेल्याचे सांगितले जाते..प्रकल्पाची माहिती (बलून बंधारे)एकूण बंधारे : ७ठिकाणे : मेहूणबारे, बहाळ (वाडे), पाढंरद, भडगाव, परधाडे, माहेजी, कानळदासाचणारे पाणी : २५.२८ द.ल.घ.मी.प्रशासकीय मान्यता : ७८१.३२ कोटी रुपयेअपेक्षित सुधारित खर्च : १२०० कोटी रुपयेलाभ क्षेत्र : ६,४७१ हेक्टरलाभार्थी तालुके : चाळीसगाव, भडगाव, पाचोरा, धरणगाव, एरंडोल, जळगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
