Water Conservation: जळगाव जिल्ह्याच्या पश्चिम भागासाठी वरदान ठरणाऱ्या गिरणा नदीवरील सात बंधाऱ्यांचा प्रस्ताव अनेक वर्षांपासून मार्गी लागलेला नाही. दुसरीकडे नदीपात्रातून बेसुमार वाळूउपसा सुरू असल्याने नदीकाठच्या विहिरी, कूपनलिकांच्या पुनर्भरणावर परिणाम होत असल्याची शेतकऱ्यांची तक्रार आहे. बंधारे झाल्यास नदीपात्रात पाणी टिकून वाळूउपशावर मर्यादा येतील. त्यामुळे वाळू व्यवसायातील हितसंबंधांमुळेच हा प्रकल्प दुर्लक्षित केला जात असल्याचा आरोप शेतकऱ्यांकडून केला जात आहे..सुमारे २५ ते २६ वर्षांपूर्वी तत्कालीन केंद्रीय मंत्री एम. के. अण्णा पाटील यांनी गिरणा नदीवर बलून बंधारे उभारण्याची संकल्पना मांडून त्यासाठी पाठपुरावा केला होता. मात्र त्या वेळी प्रकल्प मार्गी लागला नाही. अनुकूल सरकार नसल्यामुळे प्रकल्प रखडत असल्याची तक्रार तत्कालीन लोकप्रतिनिधींकडून केली जात होती.राज्यात सध्या मंत्रिपदावर असलेल्या जिल्ह्यातील काही लोकप्रतिनिधींनीही निवडणुकांच्या काळात बलून बंधारे प्रकल्प मार्गी लावण्याचे आश्वासन दिले होते. मात्र त्यानंतरही प्रकल्प प्रत्यक्षात आलेला नाही. मध्यंतरी बलून बंधाऱ्यांचा प्रस्ताव रद्द करून त्याऐवजी सात बंधारे उभारण्याचा पर्याय प्रशासनाकडून पुढे आणण्यात आला..Irrigation Projects: सिंचन प्रकल्पांच्या किमतींमध्ये सतत वाढ.सात बंधाऱ्यांचा हा प्रकल्प चाळीसगाव, पाचोरा, भडगाव आणि जळगाव तालुक्यांत प्रस्तावित आहे. या बंधाऱ्यांमुळे गिरणा नदीपात्रात विविध ठिकाणी पाणी टिकून राहण्यास मदत होणार आहे. प्रकल्पासाठी सुरुवातीला सुमारे ११०० कोटी रुपये खर्च अपेक्षित होता. मात्र प्रकल्पाला होत असलेल्या विलंबामुळे त्याच्या खर्चात वाढ होत असल्याचे सांगितले जात आहे.गिरणा नदीत मोठ्या प्रमाणात वाळूसाठा आहे..Raigad Irrigation Projects: सिंचन प्रकल्प कागदावरच.त्यामुळे या वाळूभोवती मोठे अर्थकारण निर्माण झाले आहे. नदीकाठच्या काही गावांतील स्थानिकांचे हितसंबंधही वाळू व्यवसायाशी जोडले गेल्याचा आरोप शेतकरी करीत आहेत..बंधारे उभारल्यानंतर नदीपात्रात पाणी टिकल्यास वाळूउपशात अडचणी निर्माण होतील. त्यामुळेच बंधाऱ्यांचा प्रकल्प जाणीवपूर्वक दुर्लक्षित केला जात आहे का, असा प्रश्न शेतकरी उपस्थित करीत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
