Leopard Sightings: गिरणा नदीकाठच्या विशेषतः उपखेड, दरेगाव, वरखेडेचा परिसर बिबट्यांसाठी पोषक अधिवास ठरत असल्याचे चित्र गेल्या काही वर्षांतील घटनांतून दिसून येत आहे. शेत शिवारातील सातत्यपूर्ण दर्शन, पाऊलखुणा, पशुधनावरील हल्ले आणि ट्रॅप कॅमेऱ्यांमध्ये आढळलेली बिबट्याची पिले, यामुळे हा पट्टा बिबट्यांचा ‘सेफ झोन’ ठरला आहे..परिसरात २०१७ मध्ये अवघ्या सहाच महिन्यांत १३ गावांमध्ये बिबट्याच्या हल्ल्याच्या २६ घटना घडल्या होत्या. वन विभागाच्या नोंदीनुसार, त्यात सात जणांचा मृत्यू झाला होता. या घटनांनंतरही या परिसरातील बिबट्यांचा अधिवास कायम राहिल्याचे अलीकडील घडामोडींवरून दिसून येते..Leopard Rescue: विहिरीत पडलेल्या बिबट्याला जीवदान.पिलांची आईशी पुनर्भेटगिरणा पट्ट्यात २०२३ मध्ये ट्रॅप कॅमेऱ्यांमध्ये १३ बिबट्यांची पिले आढळली होती. आईपासून विलग झालेल्या या पिल्लांची त्यांच्या आईशी पुनर्भेट घडवून आणली होती. त्यासाठी तत्कालीन वनपरिक्षेत्र अधिकारी शीतल नगराळे यांचे नियोजन कामी आले होते. अशा घटनांमुळे या भागात बिबट्यांचे प्रजननही होत असल्याचे स्पष्ट होत आहे. वरखेडे (ता. चाळीसगाव) परिसरात गायीवरील हल्ल्याची नोंद नुकतीच झाली आहे. याशिवाय उपखेड, दरेगावसह आजूबाजूच्या शेत शिवारातही बिबट्याचा वावर अधूनमधून दिसून आलेला आहे. अनेक घटना अधिकृत नोंदीपर्यंत पोहोचत नसल्याने प्रत्यक्ष वावर यापेक्षाही अधिक असण्याची शक्यता व्यक्त केली जाते..Leopard Terror: सातमाळा, सातपुडा भागात बिबट्यांचा संचार कायम.आकडे सांगतात ‘बिबट्याची कहाणी’२०१७ : १३ गावांत २६ हल्ले, ७ मानवी बळी२०२३ : ट्रॅप कॅमेरामध्ये १३ पिल्लांची नोंद, आईशी पुनर्भेट२०२६ : वरखेडे परिसरात पशुधनावरील हल्ला; सातत्याने वावर.उपखेड, दरेगाव, वरखेडे परिसरात ऊस व केळीचे क्षेत्र मोठे आहे. या भागात वर्षभर पाण्याची उपलब्धता, झाडी आणि नैसर्गिक भक्ष्य असल्याने हा पट्टा बिबट्यांसाठी पोषक आहे. त्यामुळे शेतकऱ्यांनी रात्री एकटे शेतात जाणे टाळावे, शक्यतो सोबत दुसरी व्यक्ती असावी. बिबट्याचे दर्शन झाल्यास तातडीने वन विभागाला माहिती द्यावी.- कोमल पिंडकुरवार, वनपरिक्षेत्र अधिकारी, चाळीसगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
