Jalgaon News : जिल्ह्यासाठी महत्त्वाच्या मानल्या जाणाऱ्या गिरणा नदीवरील गिरणा धरणातील जलसाठा जूनमध्ये घटत होता. परंतु ऑगस्ट व या महिन्यात त्यातील जलसाठा वाढला आहे. प्रकल्प १०० टक्के भरल्याने त्यातून विसर्गही सुरू आहे. .गिरणा धरण नाशिकमधील नांदगाव तालुक्यात आहे. जळगावातील चाळीसगाव व नांदगाव या तालुक्यांच्या सिमांनजीक हे धरण आहे. खानदेशातील सर्वात मोठे धरण म्हणून गिरणाची ओळख आहे. त्याची साठवण क्षमता १८ टीएमसी आहे. हे धरण भौगोलिकदृष्ट्या नाशिकमध्ये आहे. पण त्याचा सर्वाधिक लाभ जळगाव जिल्ह्यास आहे. .Girna River : गिरणा परिसरातील सर्वच बंधारे तुडुंब.जळगावातील चाळीसगाव, भडगाव, पाचोरा, धरणगाव, एरंडोल आदी भागातील २१ हजार हेक्टरवरील रब्बीस त्याचा लाभ होते. तसेच १०० गावांसह चाळीसगाव, पाचोरा, भडगाव शहराच्या पाणी योजनाही गिरणा धरणावर अवलंबून आहेत. .या धरणातून दरवर्षी टंचाई निवारणार्थ जूनपर्यंत पाच वेळेस नदीत पाणीही सोडले जाते. तसेच मालेगाव औद्योगिक वसाहतीसही पाणी दिले जाते. यंदाही रब्बीसाठी धरणातून पाणी मिळेल. या धरणात मागील वर्षीदेखील सप्टेंबरमध्ये १०० टक्के जलसाठा होता. यंदा जूनअखेरपर्यंत त्यात २१ टक्के जलसाठा होता. पण जुलैत धरणसाठा वाढला. .Water Storage : धाराशिव जिल्ह्यातील १८६ प्रकल्पांच्या सांडव्यांमुळे नद्या, ओढे तुडुंब.परंतु मागील १५ दिवसातील पावसाने त्यातून विसर्ग वाढला. हा विसर्ग मध्यंतरी कमी होता. तो या आठवड्यात वाढला होता. नदीत पूर आला होता. अजूनही धरणात आवक सुरू आहे, अशी माहिती मिळाली..या प्रकल्पांतून विसर्गखानदेशात धुळ्यात अनेर नदीवरील अनेर, साक्रीमधील मालनगाव, जामखेली, नंदुरबारातील दरा, सुसरी, देहली, चिरडे, तळोद्यातील धनपूर, जळगावातील यावलमधील मोर, हरिपुरा, रावेरातील अभोडा, मंगरूळ, सुकी हे प्रकल्प भरले आहेत. तापी नदीवरील हतनूर धरणातही पाण्याची आवक आहे. यामुळे या प्रकल्पांतून पाण्याचा विसर्ग सुरू आहे. खानदेशात सुसरी, कांग, तापी, अनेर, तापी, गिरणा आदी नद्यांमध्ये चांगले प्रवाही पाणी आहे. हतनूर धरणाचे चार दरवाजे उघडले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
