Chhatrapati Sambhajinagar News: सिल्लोड तालुक्यातील लिहाखेडी शिवारात असलेल्या रोकडोबा जिनिंगचे सांडपाणी थेट शेतजमिनीत सोडले जात असल्याचा आरोप स्थानिक शेतकऱ्यांनी केला आहे. यामुळे पिकांचे अतोनात नुकसान होत असून, सुपीक जमिनी नापीक होण्याची भीती निर्माण झाल्याचे त्यांचे म्हणणे आहे..येथील शेतकरी कडुबा विठोबा फरकडे यांच्या गट क्रमांक ४७८ मधील शेतात जिनिंगचे सांडपाणी साचले आहे. यामुळे कापूस व इतर पिके सडू लागली असून, शेतकऱ्यांचे लाखो रुपयांचे भांडवल मातीमोल झाले आहे. याशिवाय, जिनिंगकडे ये-जा करणाऱ्या अवजड वाहनांमुळे उडणारी धूळ कापसावर बसत आहे. यामुळे कापसाचा दर्जा घसरत असून शेतकऱ्यांना बाजारात कमी भाव मिळत आहे..Industrial Pollution Issue: चंद्रपूरचे जिल्हाधिकारी गौडा यांना अवमानना नोटीस.वारंवार तक्रारी करूनही जिनिंग प्रशासन याकडे दुर्लक्ष करत असल्याने संताप व्यक्त होत आहे. तसेच जिनिंग परिसरात कमालीची अस्वच्छता पसरली असून दारूच्या बाटल्या व प्लॅस्टिक कचऱ्याचे ढीग साचले आहेत. काही मजूर उघड्यावर शौचास जात असल्याने आरोग्याचा प्रश्न गंभीर बनला आहे. तातडीने सांडपाण्याची विल्हेवाट लावून नुकसानीची भरपाई न मिळाल्यास तीव्र आंदोलनाचा इशारा शेतकऱ्यांनी दिला आहे..Agriculture Pollution : कंपन्यांचे सांडपाणी शेतात.जिनिंगच्या सांडपाण्याने माझ्या शेताचे मोठे नुकसान झाले आहे. प्रशासनाने तातडीने कारवाई करून नुकसान भरपाई मिळवून द्यावी, अन्यथा आम्ही आंदोलन करू.- कडुबा फरकडे, बाधित शेतकरी.सांडपाण्याबाबत काही तक्रारी असतील तर त्या तपासून पाहिल्या जातील. आमच्याकडे शौचालयाची सुविधा उपलब्ध आहे. उघड्यावर कोण बसते, हे नेमके आम्हालाही माहिती नाही. मात्र, या विषयावर संबंधित शेतकऱ्यांशी चर्चा करून योग्य तो मार्ग काढण्यात येईल.- सुमीत जैन, रोकडोबा जिनिंग लिहाखेडी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
