Jalgaon News: खानदेशात यंदा पावसामुळे जूनच्या पहिल्या आठवड्यातील कापूस लागवड रखडल्याने वेचणीही लांबली आहे. परिणामी, प्रक्रिया करणाऱ्या कारखान्यांना कापसाचा पुरवठा यंदा काहीसा उशिरा होण्याची चिन्हे आहेत. एरवी अनेक भागांत पूर्वहंगामी कापसाची पोळा सणाला वेचणी व्हायची. यंदा पावसामुळे हे चित्र बदलले आहे..खानदेशात बहुतांश जिनिंग प्रेसिंग कारखाने अद्याप सुरू झालेले नाहीत. काही आघाडीचे कारखाने सुरू आहेत. पण तेथेही प्रक्रिया शंभर टक्के क्षमतेने सुरू नाही. कापूस बाजार अस्थिर झाल्यानेही काही कारखानदारांनी सावध पवित्रा घेतला आहे. खानदेशात कापसाची खेडा किंवा थेट खरेदी केली जाते. ही खरेदी दिवाळी, कोजागिरी पौर्णिमेच्या काळात गती घेते. पण यंदा कापूस लागवड कमी झाली आहे. अनेकांनी पूर्वहंगामी लागवड जूनच्या पहिल्या व दुसऱ्या आठवड्यात केली..Cotton Farming : पूर्वहंगामी कापूस पिकाला लगडली बोंडं .पूर्वी खानदेशात बागायतदार मेच्या मध्यात कापूस लागवड करायचे. त्यामुळे दसरा सणाच्या आसपास कापसाची आवक व्हायची. अनेकदा काही शेतकरी गणेशोत्सवालाही दोन-पाच क्विंटल कापसाची विक्री करायचे. पण यंदा दसरा व दिवाळी सणातही कापूस कमी राहील. कारण लागवडीत मोठी घट झाली आहे. पावसाचा धुमाकूळ वाढला आहे. त्यामुळे कापसाला फटका बसला. दुसरीकडे कापसाची खेडा खरेदी उशिरा सुरू होईल. दर दबावात असल्याने शेतकरी देखील चिंतेत आहेत..कापूस पुरवठ्यात घट होणारखानदेशात सुमारे ११३ जिनिंग प्रेसिंग कारखाने आहेत. त्यात कापसापासून सरकी व रुई तयार केली जाते. हे कारखाने सर्वत्र खासगी व्यवस्थापनाचे आहेत. यातील सुमारे ८० ते ८५ कारखाने दरवर्षी कापसावर प्रक्रिया करतात. उरलेले कारखाने वित्तीय व अन्य अडचणींमुळे बंद आहेत. एका कारखान्यास रोज किमान ८० ते ९० क्विंटल कापसाची गरज असते. परंतु कापसाची आवक कमी होत आहे..Cotton Farming: कपाशीच्या शाश्वत उत्पादनासाठी काटेकोर नियोजनावर भर.मागील वर्षीही कापूस पुरवठा कमी होता. यंदा त्यापेक्षाही पुरवठा घटण्याची शक्यता आहे. कारण खानदेशातील कापूस लागवड सुमारे ७५ ते ८० हजार हेक्टरने कमी झाली आहे. जळगाव जिल्ह्यात मागील हंगामात ५ लाख ११ हजार हेक्टरवर कापूस पीक होते. यंदाची लागवड सुमारे ४ लाख ७३ हजार हेक्टर एवढी आहे. सद्यःस्थितीत कापसाच्या पिकाची पावसाने हानी होत आहे. पूर्वहंगामी कापसासह कोरडवाहू कापूसही अनेक भागात पाण्यात आहे. खानदेशात दरवर्षी २२ ते २४ लाख कापूस गाठींची (एक गाठ १७० किलो रुई) निर्मिती केली जाते. यंदा त्यात घट होण्याची शक्यता आहे..अस्थिर कापूस बाजार, पावसामुळे घसरलेला कापसाचा दर्जा, घटती कापूस लागवड आदी कारणांमुळे कापसावर प्रक्रिया उशिरा सुरू होईल. अनेकदा दसरा, दिवाळीला काही कारखाने कापूस प्रक्रिया सुरू करायचे. पण यंदा तशी स्थिती दिसत नाही.अनिल सोमाणी, संचालक, खानदेश जिनिंग प्रेसिंग कारखानदार असोसिएशन.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
