Agro Processing Industry: शेंद्रे (ता. सातारा) येथे कृषी विभाग आणि कृषी विज्ञान केंद्र यांच्या संयुक्त विद्यमाने आयोजित ‘आले पीक परिसंवाद’ उत्साहात झाला. या कार्यक्रमाच्या माध्यमातून परिसरातील आले उत्पादक शेतकऱ्यांना आधुनिक तंत्रज्ञान आणि प्रक्रिया उद्योगाची महत्त्वाची दिशा दाखवण्यात आली..कार्यक्रमाचे मुख्य मार्गदर्शक आणि कृषी विज्ञान केंद्र, बोरगावचे विषय विशेषज्ञ प्रा. भूषण यादगीरवार यांनी शेतकऱ्यांना तांत्रिक बाबींवर सविस्तर मार्गदर्शन केले. जमिनीची पूर्वतयारी, बेणे निवड आणि बीज प्रक्रियेचे महत्त्व विषद करतानाच त्यांनी केवळ रासायनिक खतांवर अवलंबून न राहता सेंद्रिय खतांच्या वापराचा आग्रह धरला. .Agriculture Advice: मक्याच्या अधिक उत्पादनासाठी आधुनिक तंत्रज्ञानाचा वापर करा .खतांची कार्यक्षमता वाढवण्यासाठी कुजलेले शेणखत, कोंबडी खत आणि प्रेस मडचा वापर अनिवार्य असल्याचे त्यांनी सांगितले, तसेच जिवामृत, ट्रायकोडर्मा आणि फुले बायोमिक्स यांसारख्या जैविक घटकांच्या वापरामुळे उत्पादनात शाश्वत वाढ कशी करता येईल, याचे तंत्र त्यांनी उपस्थित शेतकऱ्यांना समजावून सांगितले..Parbhani KVK Meeting: परभणी कृषी विज्ञान केंद्रांमध्ये शास्त्रीय सल्लागार समितीची बैठक.जिल्हा परिषद सदस्य पूजा अमित मोरे यांनी कृषी विभागाच्या या उपक्रमाचे कौतुक करत शेतकऱ्यांना मूल्यवर्धनाचा मंत्र दिला. शेतकऱ्यांनी केवळ उत्पादनावर मर्यादित न राहता आले प्रक्रिया उद्योगाकडे वळावे, जेणेकरून अधिक नफा मिळवता येईल, असे प्रतिपादन त्यांनी केले..प्रास्ताविकात तालुका कृषी अधिकारी तेजदीप ढगे यांनी कमी पावसाच्या परिस्थितीत पीक पद्धतीत बदल करण्याचे आवाहन केले, तर मंडळ कृषी अधिकारी श्री. अजय पवार यांनी शासकीय योजनांची सविस्तर माहिती दिली. हेमलता फडतरे यांनी कार्यक्रमाचे सूत्रसंचालन केले. सरपंच असलम मुलानी यांनी आभार मानले. या परिसंवादाला पंचक्रोशीतील शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
