Pune News: अलिबागचा खास पांढरा कांदा यंदा काढणीला सुरू झाला असला तरी प्रतिकूल हवामान आणि अवकाळी पावसामुळे बाजारात येण्यास उशीर होत आहे. परतीच्या आणि अनियमित पावसामुळे लागवड डिसेंबरमध्ये लांबली. जीआय टॅग असलेल्या या कांद्याची मागणी वाढत असून, सध्या अलिबाग तालुक्यात सुमारे २५० हेक्टरवर त्याची लागवड होते. दरवर्षी प्रजासत्ताक दिनाच्या आसपास येणारा हा कांदा आता थोडा उशिरा उपलब्ध होणार आहे..अलिबाग तालुक्यातील काही मोजक्या गावांतच पांढऱ्या कांद्याची शेती केली जाते. या कांद्याला मोठी मागणी असते, पण उत्पादन मर्यादित असल्याने तो मोठ्या प्रमाणात बाजारात किंवा परदेशात पाठवता येत नाही..Onion Farming: कांदा पिकाला सूक्ष्म अन्नद्रव्यांची गरजेनुसार व्यवस्थापन फायदेशीर .अवकाळी पावसाने नुकसान...यावर्षी परतीचा पाऊस उशिरा झाला आणि त्यानंतर अवकाळी पावसानेही हजेरी लावली. त्यामुळे दरवर्षी नोव्हेंबरमध्ये होणारी कांद्याची लागवड यंदा डिसेंबरच्या पहिल्या आठवड्यात झाली. तरीही शेतकऱ्यांच्या मेहनतीमुळे कांद्याचे पीक चांगले आले आहे. मात्र दरवर्षीप्रमाणे प्रजासत्ताक दिनाच्या सुमारास बाजारात येणारा कांदा यंदा थोडा उशिरा उपलब्ध होणार आहे..Onion Farming: कांदा पिकामध्ये प्लॅस्टिक मल्चिंग तंत्रज्ञान फायदेशीर.तीन वर्षांपूर्वी अलिबागच्या पांढऱ्या कांद्याला भौगोलिक मानांकन (GI टॅग) मिळाले आहे. त्यामुळे या कांद्याची ओळख वाढली असून मागणीही वाढत आहे. हे लक्षात घेऊन कृषी विभागाने पांढऱ्या कांद्याचे उत्पादन वाढवण्याचे प्रयत्न सुरू केले आहेत..दरवर्षी पाच हजार टनाचे उत्पादन...सध्या अलिबाग तालुक्यात सुमारे २५० हेक्टर क्षेत्रावर पांढऱ्या कांद्याची शेती केली जाते आणि दरवर्षी सुमारे पाच हजार टन उत्पादन मिळते. उत्पादन वाढवण्यासाठी कृषी विभागाने शेतकऱ्यांसाठी बियाणे उत्पादनाचा कार्यक्रम सुरू केला आहे. दर्जेदार बियाणे उपलब्ध करून देऊन अधिक शेतकऱ्यांना पांढऱ्या कांद्याची लागवड करण्यासाठी प्रोत्साहन दिले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
