Water Level Decrease: शिरूर-श्रीगोंदा तालुक्यांची जीवनवाहिनी असलेली घोड नदी आटण्याच्या उंबरठ्यावर पोहोचली असून नदीपात्रात अवघ्या पाच दिवस पुरेल इतकाच पाणीसाठा शिल्लक राहिला आहे. केवळ खोल खड्ड्यांत पाणी साचलेले असून उर्वरित पात्र पूर्णपणे कोरडे पडले आहे. त्यामुळे परिसरात भीषण पाणी टंचाईची स्थिती निर्माण झाली आहे..शिरसगाव काटा ते इनामगाव, तांदळीपर्यंतचा पट्टा पूर्णपणे कोरडा पडला असून पिण्याचे पाणी आणि शेती या दोन्ही गरजांसाठी नदीवर अवलंबून आहे. शिरूर, श्रीगोंदा तालुक्यांतील सुमारे दहा गावांवर पाणीटंचाईचे गंभीर सावट दाटले आहे. या पार्श्वभूमीवर घोडगंगा कारखान्याचे संचालक सचिन मचाले, पोलिस पाटील नानासाहेब घाडगे, राजाराम मचाले व ज्ञानदेव नलगे यांनी प्रशासनाने विलंब न लावता तातडीने नदीपात्रात पाणी सोडावे, अशी मागणी केली आहे..Water Levels Drop: प्रकल्पांतील पाणीसाठ्यात झपाट्याने घट.शिरूर तालुक्यातील चिंचणी, शिरसगाव काटा, पिंपळसुटी, इनामगाव, तांदळी तसेच श्रीगोंदा तालुक्यातील बोरी, हंगेवाडी, वांगदरी, काष्टी, सांगवी या गावांची तहान भागवणारी घोड नदी आज वाळूच्या ढिगाऱ्यांत हरवली आहे. नदीपात्रात जागोजागी मोठे तडे पडले असून अनेक ठिकाणी कृषिपंप उघडे पडले आहेत. शेतकऱ्यांनी लाखो रुपये खर्च करून उभारलेली पाणीउचल यंत्रणा पूर्णपणे निष्क्रिय ठरली आहे..Agriculture Water Scarcity: गिरणा धरणातून तिसऱ्या आवर्तनाची शेतकऱ्यांना प्रतीक्षा.इनामगाव परिसरात काही ठिकाणी किरकोळ पाणीसाठा शिल्लक असला तरी शिरसगाव काटा ते पिंपळसुटी दरम्यानचा पट्टा पूर्णपणे कोरडा पडला आहे. गेल्या दोन दिवसांत परिस्थिती अधिकच गंभीर बनली असून पिण्याच्या पाण्याची टंचाईही तीव्र होऊ लागली आहे. विविध गावांच्या पाणीपुरवठा योजनांवर ताण वाढत असून नागरिकांना मोठ्या अडचणींचा सामना करावा लागत आहे..दरम्यान, प्रशासनाकडून अद्याप ठोस निर्णय जाहीर न झाल्याने नागरिकांमध्ये संभ्रमाचे वातावरण आहे. जीवनवाहिनीच आटल्याने ग्रामीण भागातील परिस्थिती अत्यंत चिंताजनक बनली असून तातडीने उपाययोजना न झाल्यास पाणीटंचाईचे संकट आणखी तीव्र होण्याची शक्यता व्यक्त होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
