Yavatmal News : सर्व्हेक्षण, पंचनामे आणि पाहणीचे सोपस्कार मात्र प्रत्यक्षात हातात काहीच पडत नाही, असे सर्वदूर चित्र आहे. यालाच वैतागलेल्या घारफळ (ता. बाभूळगाव) येथील शेतकऱ्यांनी कृषी अधिकाऱ्यांचे ढोल आणि डफ वाजवित उपरोधिक स्वागत केले. या वेळी सरकारविरोधात घोषणाबाजी देखील करण्यात आली..जिल्ह्यात सुमारे ९ लाख हेक्टरवर खरीप पिकांची लागवड आहे. यातील सुमारे पावणेपाच ते पाच लाख हेक्टर क्षेत्र एकट्या कपाशी पिकाखाली असून त्यापाठोपाठ सोयाबीनची लागवड होते. यंदा मात्र जिल्ह्याच्या बहुतांश भागात अतिवृष्टीसह ढगफुटी सदृश पाऊस कोसळला. पीक काढणीच्या अवस्थेत असताना देखील पाऊस कोसळत असल्याने शेतकऱ्यांचा संपूर्ण हंगामाच वाया गेला आहे..Crop Damage Compensation : दिवाळीआधी आपत्तिग्रस्त शेतकऱ्यांना मदत ः पाटील.अशावेळी सरकारने सर्व्हेक्षण व पंचनाम्याचे सोपस्कार न करता सरसकट ओला दुष्काळ जाहीर करून मदत द्यावी, अशी शेतकऱ्यांची माफक अपेक्षा आहे. परंतु शासनाकडून परिपत्रक काढत मदतीची घोषणा करण्यात आली. हेक्टरी सरासरी आठ हजार रुपयांपर्यंतच मदत मिळणार असल्याचे सांगितले जाते. .त्यामुळे देखील शेतकऱ्यांमध्ये तीव्र असंतोष आहे. अशातच शुक्रवारी (ता. २६) बाभूळगाव तालुक्यातील घारफळ येथे जिल्हा अधीक्षक कृषी अधिकारी संतोष डाबरे यांच्यासह तालुका कृषी अधिकारी कृतिका डेरे, कृषी पर्यवेक्षक गोपाल जाधव, सहायक कृषी अधिकारी दत्ता चेंडके यांच्यासह कर्मचारी नुकसान पाहणीसाठी गेले होते..या वेळी ग्रामस्थांनी ढोल, डफ वाजवित त्यांचे उपरोधिक स्वागत केले. या माध्यमातून नुकसानीचे दुःख, शासनाविरोधातील असंतोष आणि पाहणीची औपचारिकता पूर्ण करणाऱ्या विरोधातील रोष व्यक्त करण्यात आला, अशी प्रतिक्रिया ग्रामस्थांनी दिली..Pomegranate Crop Damage : सांगली जिल्ह्यात डाळिंबाचे नुकसान.नुकसानग्रस्त शिवाराला अधिकारी भेट देत असताना ग्रामस्थांनी शासन निषेधाच्या घोषणाही दिल्या. या वेळी सतीश कावळे, राजू चिंचे, भानुदास राऊत, नरेश पुनसे, दिलीप चांडक, निखिल कडू, युवराज नाखले, अजय रंदळकर, अनंता थोटे, गजानन कदम, वीरेंद्र डांगे, सुधाकर ठाकरे यांच्यासह शेतकरी मोठ्या संख्येने उपस्थित होते..शिवसेना पदाधिकाऱ्यांनी हे आंदोलन केले. ओला दुष्काळ जाहीर करावा अशी त्यांची मागणी होती. ग्रामस्थांनी मात्र पीक पाहणीसाठी सहकार्य केले. त्यानंतर शिवसेना पदाधिकाऱ्यांना देखील एकंदरीत परिस्थितीची माहिती देण्यात आल्याने त्यांनीही समाधान व्यक्त केले.- कृतिका रेडे, तालुका कृषी अधिकारी, बाभूळगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
