Jalgaon News: जळगाव जिल्ह्यात हवामानावर आधारित फळ पीकविमा योजनेत यंदा सुमारे ६२ हजार शेतकऱ्यांनी केळी पिकासंबंधी विमा संरक्षण घेतले आहे. यात विमा कंपनीच्या प्रतिनिधींकडून विमाधारक शेतकऱ्यांनी केळी पीक पडताळणी किंवा शेतात केळीची जिओ टॅगींग करून घेणे आवश्यक आहे..शेतकऱ्यांनी जिओ टॅगींगला प्रतिसाद न दिल्यास किंवा केळीची जिओ टॅगींग न करून घेतल्यास संबंधित विमाधारकाचा विमा योजनेतील सहभाग रद्द केला जाणार असल्याचे विमा कंपनीने म्हटले आहे..Banana Price Drop: सेलू तालुक्यात केळीदर ५०० रुपये प्रति क्विंटल .केळी पिकासाठी फळ पीकविमा योजनेतून आंबिया बहर अंतर्गत १ ते ३१ ऑक्टोबर २०२४ पर्यंत विमा अर्ज पोर्टलवर किंवा ऑनलाइन सादर करण्यात आले. हे अर्ज सादर करताना विमाधारकांनी केळी लागवडीसंबंधीचे जिओ टॅगींग केलेले छायाचित्र, सातबारा उतारा व हेक्टरी साडेआठ हजार रुपये विमा हप्ता विमा कंपनीकडे दिला आहे. या योजनेत सहभागी झालेल्या शेतकऱ्यांच्या केळी पीक लागवडीसंबंधीची माहिती किंवा पीक पडताळणी विमा कंपनी करीत आहे..Banana Prices: केळीच्या कमी दरामुळे शेतकरी हतबल.प्रतिनिधी येताहेतविमा कंपनीचे अधिकृत प्रतिनिधी संबंधित गावांत जाऊन गतीने कार्यवाही करीत आहेत. परंतु काही गावांत ही पीक पडताळणी करताना विमाधारकांकडून प्रतिसाद न मिळणे, मोबाईलवर संपर्क साधूनही त्याबाबत दुर्लक्ष करणे असे प्रकार होत आहेत..यामुळे केळी पिकाची पडताळणी करताना अडचणीही येत आहेत. या योजनेत फक्त ज्यांनी शेतात केळीची निर्देशित क्षेत्रात नमूद केल्याएवढी लागवड केली आहे, त्याच शेतकऱ्यांचा सहभाग कायम ठेवला जाणार आहे..ठळक बाबीज्यांनी शेतात केळी लागवड केलेली नाही व विमा योजनेत सहभाग घेतला आहे, त्यांचा या योजनेतील सहभाग रद्द केला जाईलतसेच शेतात केळीची लागवड केली आहे की नाही, याची पडताळणी किंवा जिओ टॅगींग झाल्याशिवाय संबंधित विमाधारकाचा विमा प्रस्ताव मंजूर होणार नाहीशेतकऱ्यांनी केळी पिकाची जिओ टॅगींग करून घ्यावी, असे आवाहन विमा कंपनीने केले आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
