Farmer Issues: शिराळा तालुक्याच्या पश्चिम भागातील आरळा परिसरात गवा व रानडुकरांच्या वाढत्या उपद्रवामुळे शेतकरी संकटात सापडले आहेत. वन्यप्राण्यांनी भातशेतीची मोठ्या प्रमाणात नासधूस केल्याने शेतकऱ्यांचे लाखो रुपयांचे नुकसान होत आहे. नुकसानग्रस्त शेतकऱ्याने पंचनाम्याची मागणी केली असता, त्याकडे वनविभागाने दुर्लक्ष केल्याचा आरोप होत असून, त्यामुळे परिसरातील शेतकरी संतप्त झाले आहेत..शिराळा तालुक्यातील पश्चिम भागातील आरळा, मनदूर, तडवळे, उपवळे, सोनवडे, वेळापूर, जवळेवाडी, हात्तेगाव, पावलेवाडी, सावंतवाडी, राजणवाडी, शिरसटवाडी, अमेणी आदी भागांत गवा, रानडुकरांसह अन्य वन्यप्राण्यांकडून पिकांचे मोठ्या प्रमाणात नुकसान होत आहे. त्यामुळे बहुतांश भागात शेतकरी पेरणीच करत नाहीत. गेल्या काही दिवसांपासून आरळा परिसरात गवा आणि रानडुकरांचा वाढता उपद्रव सुरू असून, भातासह मका, ऊस आदी पिकांचे नुकसान झाले आहे. त्यामुळे शेतकरी हैराण झाले आहेत..Wild Animal Crops Damage: वन्यप्राण्यांच्या धुडगुसाने केळी उत्पादक त्रस्त.आरळा येथील सुजय देशपांडे यांच्या भातपिकाचे नुकसान गव्यांकडून झाले. त्यानंतर त्यांनी वनरक्षक सुनील कुरी यांच्याशी संपर्क साधून पंचनामा करण्याची मागणी केली. मात्र, वनविभागाच्या अधिकाऱ्यांनी उलटसुलट उत्तरे देत पंचनामा करण्यास टाळाटाळ केल्याचा आरोप करण्यात आला आहे. त्यामुळे देशपांडे यांनी वनक्षेत्रपालांकडे निवेदन देऊन संबंधित वनरक्षकाची चौकशी करून त्यांची बदली करण्याची मागणी केली आहे..Wild Animals Crop Damage: कोवळी पिके वन्य प्राण्यांकडून फस्त.दरम्यान, आरळा परिसरात गवा, रानडुक्कर व इतर वन्यप्राण्यांचा वावर वाढल्याने भातासह इतर पिकांचे सातत्याने नुकसान होत आहे. वनविभागाने तातडीने संरक्षणात्मक उपाययोजना राबवून नुकसानग्रस्त शेतकऱ्यांना योग्य भरपाई द्यावी, अशी मागणी शेतकऱ्यांकडून करण्यात येत आहे..गव्यांच्या कळपाने व रानडुकरांनी माझ्या भातपिकाचे नुकसान केले आहे. संबंधित विभागाकडे पंचनामा करण्याची मागणी केली; मात्र अपमानास्पद वागणूक मिळाली. वनविभागाने १५ ऑगस्टपर्यंत पंचनामा, भरपाई आणि संबंधित अधिकाऱ्यावर कारवाईबाबत ठोस निर्णय घेतला नाही, तर शिराळा येथील वनविभाग कार्यालयासमोर उपोषण करणार आहे.- सुजयकुमार देशपांडे, आरळा, ता. शिराळा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
