Mumbai News: नमो शेतकरी महासन्मान निधी योजनेअंतर्गत पात्र लाभार्थ्यांना सातवा हप्ता निधी वितरित करण्यासाठी १९३२ कोटी ७२ लाख रुपये मजूर करण्यात आले आहेत. कृषी विभागातर्फे शासन निर्णय जारी केला असून, लवकरच शेतकऱ्यांच्या खात्यावर अनुदान जमा होणार असल्याची माहिती कृषिमंत्री दत्तात्रय भरणे यांनी दिली. .या योजनेअंतर्गत ९२ लाख ३६ हजार शेतकऱ्यांच्या खात्यावर रक्कम जमा होणार आहे. केंद्र शासनाच्या पंतप्रधान शेतकरी सन्मान निधी योजनेअंतर्गत पात्र शेतकऱ्यांना प्रति वर्षी सहा हजार रुपये अनुदान देण्यात येते..Namo Installment: नमोच्या सातव्या हप्त्याची प्रतिक्षा; शेतकऱ्यांमध्ये संभ्रम.केंद्र शासनाच्या या अनुदानामध्ये राज्य शासनातर्फे प्रति वर्षी आणखी सहा हजार अनुदान देण्यासाठी नमो शेतकरी महासन्मान निधी योजना राबविली जात आहे. या योजनेत तीन हजार रुपयांची वाढ करू, असे आश्वासन महायुती सरकारने विधान सभा निवडणुकीआधी दिले होते. मात्र ही वाढीव रक्कम देण्याचे आश्वासन सरकारने बासनात गुंडाळून ठेवले आहे..Namo 7th Installment : शेतकऱ्यांना दिलासा; नमोच्या सातव्या हप्त्यासाठी १९३२ कोटी रुपये मंजूर; शासन निर्णय प्रसिद्ध.राज्याच्या नमो शेतकरी महासन्मान योजनेअंतर्गत शेतकरी लाभार्थ्यांना आतापर्यंत एकूण सहा हप्ते देण्यात आले आहेत. सातवा हप्ता अनुदानाची शेतकरी अनेक दिवसांपासून वाट पाहत होते. सातव्या हप्त्यामध्ये एप्रिल ते जुलै २०२५ या महिन्यांचे अनुदान लाभार्थ्यांना भेटणार आहे. ज्या शेतकरी लाभार्थ्यांचा पंतप्रधान शेतकरी सन्मान निधी योजनेत समावेश आहे. त्या सर्वांना राज्याच्या नमो शेतकरी महासन्मान निधी योजनेचा लाभ मिळणार आहे..नमो शेतकरी महासन्मान योजनेचा सातवा हप्ता शेतकऱ्यांना लवकरच मिळणार आहे. तसेच अतिवृष्टीमध्ये बाधित शेती पिकांचे पंचनामे अंतिम टप्प्यात असून इतर कार्यवाही पूर्ण झाल्यावर बाधित शेतकऱ्यांना लवकरच मदत मिळणार आहे.दत्तात्रय भरणे, कृषिमंत्री.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
