Jalgaon News : पुनर्रचित हवामानावर आधारित फळ पीकविमा जिल्ह्यातील सुमारे ५३ हजार शेतकऱ्यांना परतावे मिळण्यास सुरुवात झाली आहे. काही शेतकऱ्यांचा परतावा अजूनही मिळालेला नाही. पुढील ३० तारखेपर्यंत पात्र विमाधारकांना परतावे दिले जातील, अशी माहिती आहे. .२०२४-२५ या वर्षात सहभागी विमाधारकांसाठी निधीचे वितरण राज्य शासन व केंद्राने विमाधारकांसाठी केले आहे. आंबिया बहर अंतर्गत नऊ अधिसूचित फळ पिकांसाठी विमा संरक्षण घेतलेल्या विमाधारकांना हा निधी परताव्यापोटी शासनाकडून दिला जाईल. त्यात आंब्यासह केळीचा समावेश आहे. .Fruit Crop Insurance : आंबा, काजू पीक विमा परताव्यावरून शेतकऱ्यांमध्ये संभ्रम.जिल्ह्यातील सर्वाधिक केळी पीकविमा धारकांना या योजनेतून पुढे परतावे मिळत आहेत. कारण राज्य शासनाकडून निधीचे वितरण विमा कंपनीकडे योजनेसंबंधी न झाल्याने निर्देशित वेळेत केळी पीकविमा धारकांना या योजनेतून वेळेत परतावे मिळालेले नव्हते. पण हा निधी आल्यानंतर जळगाव जिल्ह्यातील ५३ हजार केळी पीकविमाधारकांना परतावे मिळू लागले आहेत..हे परतावे १५ सप्टेंबरपूर्वीच मिळणे अपेक्षित होते. केळी पिकासाठी नोव्हेंबर २०२४ ते जुलै २०२५ या नऊ महिन्यांच्या कालावधीसाठी या योजनेतून विमा संरक्षण देण्यात आले होते. हा विमा संरक्षण कालावधी संपल्यानंतर ४५ दिवसांत म्हणजेच १५ सप्टेंबर २०२५ पर्यंत पात्र केळी विमाधारकांना या योजनेतून परतावे मिळणे अपेक्षित होते. .Fruit Crop Insurance: आंबिया बहरातील फळपिकांसाठी विमा योजना.पण निधीसंबंधी अडचणी होत्या. यावरून शेतकरी किंवा विमाधारक नाराज झाले होते. शासनाकडून योजनेसाठीचा निधी न प्राप्त झाल्याने विमा कंपनीदेखील परतावे देण्यास बाध्य नव्हती..उर्वरित विमाधारकांना लवकरच परतावेया योजनेत परताव्यापोटी निधी वितरण विमा कंपनीकडे झाल्यानंतर २१ दिवसांत विमा कंपनीला पात्र विमाधारकांना परतावे देणे बंधनकारक आहे. हे परतावे आधार लिंक बँक खात्यात थेट जमा केले जातात. जिल्ह्यातील ७२ हजार केळी उत्पादक या योजनेत सहभागी झाले होते. पैकी ५३ हजार विमाधारकांना परतावे देण्यात आले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
