Application Last Date: बदलत्या हवामानामुळे फळबागांचे होणारे नुकसान टाळण्यासाठी शेतकऱ्यांनी फळपीक विमा योजनेचा लाभ घ्यावा, असे आवाहन तालुका कृषी विभागाने केले आहे. .अवकाळी पाऊस, गारपीट, वादळी वारे, पावसाचा खंड तसेच तापमानातील वाढ यांसारख्या नैसर्गिक आपत्तींमुळे फळपिकांच्या उत्पादनावर परिणाम होत असून शेतकऱ्यांना आर्थिक नुकसानीला सामोरे जावे लागत आहे. पंतप्रधान पीकविमा योजनेअंतर्गत फळपीक विमा योजना २०२६ राबविण्यात येत आहे. या योजनेत संत्रा, मोसंबी, डाळिंब, पेरू, लिंबू, सीताफळ आणि हळद या पिकांचा समावेश करण्यात आला आहे. संत्रा, मोसंबी, डाळिंब, पेरू, लिंबू व हळद या पिकांसाठी विमा काढण्याची अंतिम मुदत मंगळवार (ता. १४) आहे. तर सीताफळासाठी ३१ जुलैपर्यंत अर्ज करता येणार आहे..Crop Insurance Scheme: हवामान धोक्यांपासून पिकांना मिळणार कवच : सूरज जगताप .रिसोड तालुक्यासह जिल्ह्यात फळपिकांची लागवड मोठ्या प्रमाणावर केली जाते. मात्र, हवामानातील बदलामुळे उत्पादन घटत असून शेतकऱ्यांचे आर्थिक नुकसान वाढत आहे. अशा परिस्थितीत फळपीक विमा योजना आर्थिक संरक्षण देणारी महत्त्वपूर्ण योजना ठरत आहे. पात्र शेतकऱ्यांनी विहित मुदतीत विमा प्रस्ताव भरून आवश्यक कागदपत्रांसह अर्ज करावा. .Crop Insurance Scheme: सुधारित पीकविमा योजना लागू; खरिपातील १४ पिकांसाठी ३१ जुलैपर्यंत अर्ज.अर्ज करताना पीक, क्षेत्र, आधार क्रमांक, बँक खाते आदी माहिती अचूक भरण्याचे आवाहन कृषी विभागाने केले आहे. नुकसान झाल्यास निर्धारित कालावधीत संबंधित यंत्रणेला माहिती देणे आवश्यक राहणार आहे..या वर्षी हळद पिकासाठीही विमा संरक्षण देण्यात आले असून प्रति हेक्टर ९ हजार रुपये विमा हप्ता आणि १ लाख ८० हजार रुपये संरक्षित रक्कम निश्चित करण्यात आली आहे. पावसाचा खंड, कमी पाऊस, अवेळी पाऊस व जास्त तापमानामुळे होणाऱ्या नुकसानीस नियमानुसार विमा संरक्षण मिळणार आहे. अधिक माहितीसाठी शेतकऱ्यांनी कृषी सहायक, मंडळ कृषी अधिकारी किंवा तालुका कृषी कार्यालयाशी संपर्क साधावा, असे तालुका कृषी अधिकारी मगनदास तावरे यांनी आवाहन केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
