Sugarcane Bill Pending: सोलापूर जिल्ह्यातील तब्बल २० साखर कारखान्यांकडे सुमारे ३६० कोटींची एफआरपी ऊसबिले थकीत आहेत. दुसरीकडे, केवळ १५ कारखान्यांनीच शंभर टक्के एफआरपी अदा केली आहे. जाहीर केलेला दर आणि एफआरपी आणि फरकाची रक्कम दिली नसलेल्या २९ कारखान्यांकडे सुमारे ८१७ कोटी रुपयांची ऊसबिले प्रलंबित आहेत. .हंगामाच्या सुरवातीला कारखान्यांनी २५०० ते ३०२५ दर जाहीर केला होता. एफआरपीपेक्षा जादा जाहीर केलेल्या दरानुसार, केवळ सहा कारखान्यांनीच ऊसबिले अदा केली आहेत. हंगाम संपून दोन महिने उलटूनही शेतकऱ्यांना पैसे मिळालेले नाहीत..Sugarcane FRP: सांगलीतील १० कारखान्यांकडे २८० कोटी एफआरपी थकीत.ऊस गाळप झाल्यानंतर १४ दिवसांच्या आत एफआरपी देणे बंधनकारक असताना, कारखानदारांकडून या नियमाची पायमल्ली होत आहे. याकडे प्रशासनाचे दुर्लक्ष होत असल्याचे चित्र दिसत आहे..थकीत एफआरपी प्रकरणी साखर आयुक्तालयाकडून ७५ टक्क्यांपेक्षा कमी एफआरपी दिलेल्या कारखान्यांची सुनावणी झाली. मात्र, ही कारवाई केवळ दिखाव्यापुरती असल्याचे चित्र आहे. सुनावणीनंतर कारखान्यांकडून केवळ एफआरपीची टक्केवारी वाढविण्यावर भर दिला जात असून, संपूर्ण एफआरपी देण्याकडे जाणीवपूर्वक दुर्लक्ष केले जात आहे. जाहीर दराप्रमाणे २९ कारखान्यांकडे ऊसबिलेच प्रलंबित आहेत. संत कुर्मदास कारखान्याने केवळ ३० टक्के, तर भीमा कारखान्याने ३९ टक्के एफआरपी अदा केली आहे. सुनावण्या होऊनही या कारखान्यांकडे अजूनही एफआरपी थकीतच आहे..Sugarcane FRP: थकीत एफआरपी व्याजासह द्यावी.जिल्ह्यातील एफआरपी थकवलेल्या कारखान्यांवर कारवाईची मागणी करण्यासाठी २१ एप्रिल रोजी साखर आयुक्तांची भेट घेणार आहोत. काही कारखान्यांनी शेतकऱ्यांना दिलेले चेक बाऊन्स झाले आहेत. आता प्रत्येक अध्यक्षांच्या घरासमोर आंदोलन करणार आहोत.- विजय रणदिवे, जिल्हाध्यक्ष, स्वाभिमानी शेतकरी संघटना.थकीत एफआरपीबाबत साखर आयुक्तांच्या स्तरावरून कारवाई सुरू आहे. साखर आयुक्त पश्चिम बंगालच्या निवडणुकीसाठी निरीक्षक म्हणून कार्यरत आहेत. ते २३ एप्रिलला त्या जबाबदारीतून मुक्त होतील. त्यानंतर कारवाईचा निर्णय होऊन जिल्हाधिकाऱ्यांमार्फत त्याची अंमलबजावणी केली जाईल.- प्रकाश अष्टेकर, साखर सहसंचालक, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
